Në PD ndodh Asgjë.

Partia Demokratike duket  e trullosur strategjikisht. Asaj i duhet paralelisht të punojë në dy pista; e para kundra qeverisë dhe pushtetit të financuar nga paratë e korrupsionit dhe krimit (sic shprehet vetë PD) dhe e dyta të punojë në organizimin e brendshëm për të siguruar bashkim. Beteja vetëm me akuzën e qeverisë së krimit shpesh i largon qytetarët sepse ata nuk ndjehen të përfaqësuar në problemet e përditëshme. Në planin e brendshëm situata duket një lëmsh i vërtetë. Ndryshe nga 2014, kur kundërshtarët e Bashës ishin mbështetësit e Olldashit, në 2017 Lulzim Basha ka arritur t’i shtojë rradhët e kundërshtarëve me “njerëz të Berishës” dhe më e rënda është që sot nuk shfaqen entuziastë as të rinjtë që Basha vetë i mban në ekipin e tij. Ata që e urrenin janë të egërsuar dhe ata që e donin janë të lënduar.

Nga ana tjetër shohim një Parti Socialiste e cila prej dy javësh bën një mbledhje të përbashkët parti-qeveri, e cila flet për organizim në cdo cep të Shqipërisë në projektin e qeverisjes me qytetarët. Blerina Gjylahmeti është shembulli më i mirë i avancimit të gruas në karrierë brenda PS. Ajo u anagzhua në PS  në vitin 2012. Brenda 5 viteve, Gjylahmeti avancoi në karrierë si Kryetare e Gruas për Tiranën, fitoi dy mandate deputeti, kreu detyrën e Sekretares për Koordinimin Elektoral dhe së fundi mori detyrën e Kryetares së PS për Tiranën.

Ndërkohë në PD shohim luftë të brendëshme, detyra të cilat janë monopol i pak duarve dhe avancimi në karrierë brenda partisë është një ngjarje që ndodh me shpejtësi afër zeros ose vetëm si pasojë e mbështetjes së klaneve që më shumë se rritjen e PD duan dështimin e saj.

Demokracia ka nevojë për opozitë të fortë. A do të jetë PD një opozitë e fortë? Me shumë gjasa jo, sepse 4 muaj pas zgjedhjeve asgjë nuk po ndodh në PD./mendimi.al

PËRGJIGJU

Please enter your comment!
Please enter your name here