Më 7 shtator 2025, qielli do të na sjellë një prej ngjarjeve më të fuqishme astrologjike të vitit: eklipsi i plotë hënor në shenjën e Peshqve. Ky fenomen ndodh gjatë Hënës së Plotë dhe përkon me sezonin e Virgjëreshës, një kohë që na nxit të organizohemi, të jemi praktikë dhe të përgatitemi për të papriturat. Në të njëjtën kohë, tranziti i Saturnit në Dash na mëson të ndërtojmë forcën tonë të brendshme dhe të marrim kontroll mbi jetën.
Kjo periudhë shihet si një “stuhi ndryshimesh”, ku kapituj të vjetër mbyllen dhe hapet rruga për fillime të reja. Binjakët, Virgjëreshat, Shigjetarët dhe Peshqit do ta ndjejnë më fort këtë energji, por çdo shenjë e zodiakut do të përjetojë transformime të dukshme.
Dashi (21 mars – 19 prill)
Ky eklips do të ndriçojë botën tënde të brendshme dhe marrëdhëniet me familjen. Do të kuptosh rëndësinë e mbështetjes së atyre që të duan. Mund të mbyllësh disa kapituj të vjetër dhe të ndihesh më i lehtësuar shpirtërisht. Saturni në shenjën tënde të përgatit për një fazë të re: më shumë përgjegjësi, por edhe më shumë vetëbesim.
Demi (20 prill – 20 maj)
Energjia bashkëpunuese do të jetë në kulm. Mund të të vijnë ide të reja për projekte të përbashkëta, sidomos tani që Merkuri është drejtpërdrejt. Do të kesh nevojë për durim në përfundimin e punëve afatgjata. Virgo sezoni të mëson të menaxhosh më mirë kohën, ndërsa në dashuri mund të ndjesh një ringjallje që të jep siguri.
Binjakët (21 maj – 20 qershor)
Një zgjim i brendshëm të pret gjatë kësaj jave. Do të kesh ndjesinë se gjen më shumë paqe dhe harmoni me veten, ndërsa të hapen mundësi për sukses profesional. Është koha për të shijuar arritjet e tua, por nisjet e reja është më mirë t’i shtysh deri në Hënën e Re. Ky eklips të vendos në qendër të vëmendjes.
Gaforrja (21 qershor – 22 korrik)
Ky eklips të sjell besim të ri tek vetja. Do të kuptosh qartë se cilat gjëra nuk funksionojnë më dhe ku duhet të bësh ndryshime. Mund të hysh në një periudhë zhvillimi personal, ku mësimi dhe marrja e njohurive të reja të ndihmojnë të realizosh ëndrrat. Librat, kurset ose mentorët do të jenë aleatë për ty.
Luani (23 korrik – 22 gusht)
Financat janë fokusi yt kryesor. Eklipsi në Peshq mund të sjellë ndryshime të papritura në menaxhimin e parave. Ky është momenti për të ndërtuar plane konkrete dhe për të shmangur iluzionet. Ky sezon të udhëzon të jesh më praktik dhe të ndërtosh zakone të reja që të çojnë drejt stabilitetit financiar.
Virgjëresha (23 gusht – 22 shtator)
Marrëdhëniet personale dhe shoqërore do të vihen në provë. Nëse nuk je treguar i kujdesshëm në zgjedhjen e partnerëve apo miqve, eklipsi do ta nxjerrë këtë në pah. Ky është fillimi i një kapitulli të ri për lidhjet e tua. Duhet të mbash standarde të larta, si në dashuri ashtu edhe në miqësi, dhe të mos japësh besim tek kushdo.
Peshorja (23 shtator – 22 tetor)
Tema kryesore për ty është kujdesi ndaj vetes. Saturni në Dash dhe ky eklips të nxisin të zhvillosh marrëdhënie më të forta me veten, për të krijuar më pas lidhje më të shëndetshme me të tjerët. Do të mësosh të punosh më mirë në grup, por kjo vjen vetëm nëse dëgjon dhe komunikon hapur. Mërkuri në Virgjëreshë të jep qartësi në komunikim.
Akrepi (23 tetor – 21 nëntor)
Ky eklips është i fuqishëm për ty, si shenjë uji. Ai vë në pah talentet e tua dhe çfarë mund të ndërtosh në të ardhmen. Me mbështetjen e Saturnit dhe Jupiterit, do të ndihesh më i sigurt dhe më karizmatik. Në karrierë dhe në dashuri do të kesh mundësi të shkëlqesh më shumë se zakonisht. Venusi në Luan rrit magnetizmin tënd.
Shigjetari (22 nëntor – 21 dhjetor)
Familja dhe shtëpia do të jenë në qendër të vëmendjes, por eklipsi do të të bëjë të reflektosh edhe për karrierën. Mund të ketë tensione profesionale, por do të kesh mjetet e nevojshme për t’i kapërcyer. Ky është një moment ku duhet të përqendrohesh tek qëllimet afatgjata, duke mbajtur sytë nga shpërblimet që të presin.
Bricjapi (22 dhjetor – 19 janar)
Kjo periudhë të sjell frymëzim të madh. Shkrimtarët, artistët dhe krijuesit do të ndihen më të motivuar dhe më të lidhur me muzat e tyre. Ky sezon ndez idetë e tua dhe të ndihmon t’i kthehesh projekteve të lëna pezull. Kjo është koha për të mbaruar punë të rëndësishme dhe për të treguar talentin tënd.
Ujori (20 janar – 18 shkurt)
Rutina dhe organizimi do të jenë fjalët kyçe për ty. Ky eklips të ndihmon të vlerësosh më shumë strukturën dhe planifikimin. Mund të vendosësh të zgjohesh më herët, të ndjekësh hobi ose të krijosh zakone të reja që të sjellin kënaqësi. Virgjëresha të kujton se lumturia qëndron edhe tek gjërat e vogla të përditshme.
Peshqit (19 shkurt – 20 mars)
Ky është momenti yt. Eklipsi në shenjën tënde sjell motivim të fuqishëm dhe ndjesi romantike që të lidhin me të kaluarën. Saturni të udhëzon të bësh ndryshime thelbësore në komunikim dhe marrëdhënie. Mund të ndikohesh si në karrierë ashtu edhe në rrjetin shoqëror. Ky është fillimi i një kapitulli të ri për jetën tënde personale dhe profesionale.
Ky eklips nuk është vetëm një ngjarje astrologjike, por një ftesë për reflektim dhe ndryshim. Ai na kujton se fundet hapin rrugën për fillime të reja dhe se rritja shpirtërore vjen në momentet kur mësojmë të lëmë pas atë që nuk na shërben më.
