Edhe kur ushqeheni mirë, bëni gjumë të rregullt dhe kujdeseni për veten, sërish mund të sëmureni shpesh. Kjo ndodh sepse jo gjithmonë zakonet që duken të shëndetshme funksionojnë siç mendon trupi.

Shpesh, disa rutina të përditshme, të cilat konsiderohen “të shëndetshme” ose të dobishme, në fakt mund të krijojnë stres, mungesë proteinash dhe përfundimish të dobësojnë mbrojtjen natyrore të trupit.

Në vijim po paraqesim 8 prej tyre dhe mënyrën si t’i korrigjoni.

1. Mospërdorimi i yndyrnave të shëndetshme

Shumë persona mendojnë se vakti i shëndetshëm duhet të jetë sa më “pa vaj” dhe pa yndyrna. Por yndyrnat e mira janë thelbësore për funksionimin e sistemit imunitar.

Yndyrnat ndihmojnë në ndërtimin e membranave të qelizave imunitare, si dhe në përthithjen e vitaminave A, D, E dhe K. Pa këto vitamina, trupi nuk mund të prodhojë antitrupa dhe nuk mund të luftojë infeksionet në mënyrë efikase.

Për këtë arsye, shmangia totale e yndyrnave ul rezistencën ndaj sëmundjeve.

Çfarë të bëni?
Shtoni vaj ulliri, avokado, farë liri ose peshk të yndyrshëm në dieta të përditshme.

2. Pirja e kafesë me stomakun bosh

Kafeja është e dashura e mëngjesit për shumë njerëz, por pirja e saj pa ngrënë më parë mund të sjellë pasoja për imunitetin.

Kafeina rrit kortizolin, hormonin e stresit, i cili në nivele të larta ul aktivitetin e qelizave imunitare. Për më tepër, kafeja me stomak bosh mund të dehidratojë qelizat dhe të irritojë mukozën e stomakut, duke krijuar një terren të dobët për mbrojtjen e zorrëve.

Kur zorrët janë të shqetësuara, edhe imuniteti bie, pasi pjesa më e madhe e qelizave imunitare gjendet pikërisht aty.

Çfarë të bëni?
Pini një gotë ujë dhe hani diçka të vogël para kafesë.

3. Ngrënia e shpeshtë gjatë ditës (snacking pa ndërprerje)

Edhe pse mund të duket e pafajshme, konsumimi i ushqimit çdo një orë e mban insulinën vazhdimisht të lartë.
Kur trupi është në gjendje të vazhdueshme tretjeje, sistemit imunitar nuk i mbetet hapësirë për t’u rikuperuar.

Sistemi imunitar ka nevojë për intervale ku trupi nuk po tret ushqim, në mënyrë që të riparojë qelizat dhe të neutralizojë inflamacionet.

Çfarë të bëni?
Lini 3-4 orë mes vakteve që trupi të ketë kohë të pushojë.

4. Teprimi me kardio

Ushtrimet aerobike janë të shëndetshme dhe ndihmojnë zemrën, por teprimi i tyre mund të sjellë efekt të kundërt në imunitet.

Stërvitja e vazhdueshme kardio rrit kortizolin, ul aktivitetin e qelizave të bardha të gjakut dhe rrit lodhjen fizike. Kur nuk ka kohë rikuperimi, sistemi imunitar dobësohet dhe bëhesh më i ndjeshëm ndaj infeksioneve të shpeshta.

Çfarë të bëni?
Balanconi kardion me ditë pushimi dhe shtoni stërvitje force (rezistence).

5. Konsumimi i shumë perimeve të papërpunuara

Edhe pse perimet janë super të shëndetshme, konsumimi i tepruar i tyre në formë të papërpunuar nuk është ideale për të gjithë.

Perimet kryqëzuese si brokoli, lakra apo lulelakra mund të shkaktojnë fryrje, ngadalësim të tretjes dhe stres në tiroidë, sidomos kur konsumohen çdo ditë dhe në sasi të mëdha.

Tretja e vështirë = stres sistematik = imunitet më i dobët.

Çfarë të bëni?
Zgjidhni mënyra si avullimi ose skuqja e lehtë për të ndihmuar tretjen.

6. Marrje në sasi të ulët të proteinave

Pa proteina, sistemi imunitar nuk funksionon.
Arsyeja është e thjeshtë: antitrupat janë proteina.

Nëse në dietën tuaj mungojnë proteina të mjaftueshme, trupi nuk mund të ndërtojë antitrupa të mjaftueshëm, rikuperimi bëhet më i ngadalshëm dhe lodhja kronike shfaqet më shpesh.

Çfarë të bëni?
Shtoni burime proteinash si vezë, peshk, thjerrëza, fasule, kos ose tofu në çdo vakt.

7. Mungesa e gjumit të mjaftueshëm

Gjumi është arma më e fortë e imunitetit. Kur flenë më pak se 6 orë rritet inflamacioni, ulen antitrupat, trupi kërkon më shumë sheqer dhe rritet stresi i përgjithshëm.

Trupi që nuk pushon nuk ka si të mbrojë veten.

Çfarë të bëni?
Synoni 7-9 orë gjumë dhe shmangni pajisjet elektronike 1 orë para gjumit.

8. Pijet “zero kalori” dhe ëmbëlsuesit artificialë

Edhe pse pa kalori, këto produkte nuk janë pa pasoja.
Ëmbëlsuesit artificialë ndikojnë negativisht në mikrobiomën e zorrëve, bakteret e mira që luajnë rol kryesor në imunitet.

Zorra e paekuilibruar = sistem imunitar më i dobët.

Çfarë të bëni?
Zgjidhni ujë me limon, ujë me mjaltë ose ujë të gazuar me fruta natyrale.

Realiteti i sistemit imunitar

Imuniteti juaj nuk ka nevojë për truke apo metoda të komplikuara.
Ai ka nevojë për ushqim të balancuar, gjumë cilësor, proteina të mjaftueshme, yndyrna të mira, pushim dhe rigjenerim dhe stres sa më të ulët.

Në vend që të fajësoni “imunitetin e dobët”, provoni të analizoni cilat prej këtyre zakoneve mund të jenë duke e sabotuar.

Dhe kujtoni: Rruga drejt një imuniteti të fortë është një kombinim i konsistencës, kujdesit ndaj vetes, dhe ekuilibrit në stilin e jetesës.