Nëndetësja Titan, bashkëthemeluesi i OceanGate thotë: “ekuipazhi ka më shumë oksigjen sesa mendohet”

Bashkëthemeluesi i OceanGate, kompania që operon nëndetësen e zhdukur, ka thyer heshtjen e tij duke thënë se beson se pesë anëtarët e ekuipazhit në bordin e Titan kanë “më shumë kohë në dispozicion se sa mendojnë shumica e njerëzve“.

Guillermo Söhnlein, i cili themeloi OceanGate me Stockton Rush, një nga pasagjerët në bordin e Titan, tha se ai foli për herë të fundit me Rush-in disa javë përpara nisjes së ekspeditës.
Në një deklaratë, Söhnlein, i cili nuk është më i përfshirë me kompaninë, por mbetet një aksioner i pakicës, tha:

“Jam i sigurt që Stockton dhe pjesa tjetër e ekuipazhit e kuptuan ditë më parë se gjëja më e mirë që mund të bëjnë për të siguruar shpëtimin e tyre është të zgjasin kufijtë e atyre furnizimeve duke u çlodhur sa më shumë që të jetë e mundur. Unë besoj fuqimisht se koha e disponueshme për shpëtimin e tyre është më e gjatë se sa mendojnë shumica e njerëzve. Unë vazhdoj të mbaj shpresë për mikun tim dhe pjesën tjetër të ekuipazhit.”

Titaniku, i cili u fundos në vitin 1912 në udhëtimin e tij të parë pasi goditi një ajsberg, duke vrarë më shumë se 1.500 njerëz, shtrihet rreth 1.450 km në lindje të Cape Cod, Massachusetts dhe 640 km në jug të St. Newfoundland.

Ekskursioni i Titanit në det të thellë drejt rrënojave të anijes përmbyll një aventurë turistike për të cilën OceanGate paguhet 250,000 dollarë për person.

Pasagjerët përfshijnë miliarderin dhe aventurieri britanik Hamish Harding, 58 vjeç, dhe manjatin e biznesit me origjinë pakistaneze, Shahzada Dawood, 48 vjeç, me djalin e tij 19-vjeçar Suleman, të cilët janë të dy shtetas britanikë.

Oqeanografi francez dhe eksperti kryesor i Titanikut, Paul-Henri Nargeolet, 77 vjeç, dhe Stockton Rush, themeluesi dhe shefi ekzekutiv amerikan i OceanGate, ishin gjithashtu në bord. Rush është i martuar me një pasardhës të dy prej viktimave të Titanikut.

Pyetjet rreth sigurisë së Titanit u ngritën në vitin 2018 gjatë një simpoziumi të ekspertëve të industrisë zhytëse dhe në një padie të ngritur nga ish-kreu i operacioneve detare të OceanGate, i cili u zgjidh më vonë atë vit.

Nëse nëndetësja do të kishte arritur të kthehej në sipërfaqe, do të ishte e vështirë të dallohej në det të hapur dhe mbyllet me bulona nga jashtë, kështu që ata brenda nuk mund të dalin pa ndihmë.

Nëse Titan është në dyshemenë e oqeanit, një mision shpëtimi do të duhet të luftonte me presionin e pamasë dhe errësirën totale në atë thellësi. Eksperti britanik i Titanikut, Tim Maltin, tha se do të ishte “pothuajse e pamundur të realizohej një shpëtim nëntokësor” në shtratin e detit.

Ndërkohë sot në orën 17.00 me orën britanike pritet të lançohet dokumentari më i ri në lidhje me nëndetësen Titan, e quajtur “Titanic sub: Lost at sea“, me intervista nga ekspertë dhe pasagjerë të Titan.

Por pavarësisht se prodhuesit janë zotuar t’i qasen historisë me ndjeshmëri, koha e publikimit të saj ka shkaktuar zemërim, sepse do të transmetohet pak orë pasi anijes i ka mbaruar oksigjeni.

Burimi: reuters.com, theguardian.com, bbc.com, nypost.com