Vendimi për të nisur një udhëtim për të jetuar dhe punuar jashtë vendit është një vendim shumë i rëndësishëm, veçanërisht kur përfshin zhvendosjen e të gjithë familjes suaj. Shpesh lind pyetja kryesore: “Ku duhet të shkojmë?”
Vjena, Zyrihu dhe Auckland dalin si pretendentët kryesorë në sondazhin e cilësisë së jetesës së Mercer 2023 për emigrantët, duke ofruar një vështrim në qytetet më të mira për një mënyrë jetese të lëvizshme globalisht. Duke ruajtur epërsinë e saj që nga ditët para pandemisë të vitit 2019, Vjena shquhet për skenën e saj të gjallë kulturore, mrekullitë arkitekturore dhe historinë e pasur.
Zyrihu, duke siguruar vendin e dytë, fiton vlerësime për stabilitetin politik dhe infrastrukturën e jashtëzakonshme. Ndërkohë, në anën e kundërt të globit, Auckland shkëlqen për standardet e larta në kujdesin shëndetësor dhe dinamikën e gjallë kulturore.
Lista vazhdon me Kopenhagen dhe Gjenevën që pretendojnë përkatësisht vendin e katërt dhe të pestë. Në një top 10-she të dominuar nga qytetet e Evropës Perëndimore, Vankuveri shquhet si hyrja e vetme në Amerikën e Veriut, i famshëm për përzierjen e tij të rekreacionit në natyrë dhe të jetesës kozmopolitane.
Analiza e Mercer për mbi 450 qytete në mbarë botën merr në konsideratë 39 faktorë që përfshijnë mjediset politike dhe sociale, shëndetin, arsimin, rekreacionin dhe strehimin.
Qytetet me cilësinë më të mirë të jetesës:
1. Vjenë, Austri
2. Zyrih, Zvicër
3. Auckland, Zelanda e Re
4. Kopenhagen, Danimarkë
5. Gjenevë, Zvicër
6. Frankfurt, Gjermani
7. Mynih, Gjermani
8. Vankuver, Kanada
9. Sidnej, Australi
10. Dyseldorf, Gjermani
Qytetet në fund të listës:
241. Khartoum, Sudan
240. Bagdad, Irak
239. Bangui, Republika e Afrikës Qendrore
238. Sanaa, Jemen
237. Port-au-Prince, Haiti
236. N’Djamena, Çad
235. Damask, Siri
234. Ouagadougou, Burkina Faso
233. Tripoli, Libi
232. Brazzaville, Republika e Kongos
