Një numër njerëzish janë vrarë dhe plagosur në një shpërthim dhune në kufirin armen me Azerbajxhanin. Ministria e mbrojtjes e Armenisë konfirmoi humbjet, shkruan BBC.
Zyrtarët thanë se dy pozicione luftarake ishin humbur dhe se i kishte kërkuar Rusisë të ndihmonte në mbrojtjen e sovranitetit të saj territorial. Azerbajxhani korri fitore të mëdha në një luftë gjashtëjavore të zhvilluar vitin e kaluar mbi territorin e diskutueshëm të Nagorno-Karabakut
Tensionet kanë mbetur që kur konflikti përfundoi në një marrëveshje paqeje të lëkundur. Armenia fajësoi trupat e Azerbajxhanit për shpërthimin e fundit të luftimeve dhe Azerbajxhani tha se forcat e tij ishin përgjigjur ndaj një sulmi armen në pozicionet e tij thuhet më tej në artikull.
Sipas ministrisë së jashtme të Armenisë, forcat e Azerbajxhanit sulmuan kufirin lindor si pjesë e një politike që filloi në maj që synonte të depërtonte në dy zona armene, Syunik në jug-lindje dhe Gegharkunik në lindje. Qeveria në Jerevan i ka bërë thirrje Rusisë dhe pjesës tjetër të komunitetit ndërkombëtar për të ndihmuar në sigurimin e tërheqjes së forcave të Azerbajxhanit.
Marrëveshja e paqes e nëntorit 2020, e ndërmjetësuar nga Rusia, erdhi pas një lufte në të cilën u vranë më shumë se 6,000 njerëz. Rreth 2,000 paqeruajtës rusë u vendosën për të patrulluar zonën në dhe rreth Nagorno-Karabakh.
Burimi: BBC
