World Economic Forum ka publikuar Raportin e Kapitalit Njerëzor me nëntitullin “T’i përgatisim njerëzit për të ardhmen e punës”. Raporti thekson se shumë nga sistemet e sotme të edukimit janë të shkëputura nga aftësitë që nevojiten në tregun e sotëm të punës. Nënvizohet se shkollat sot nuk fokusohen në forcimin e aftësive si zgjidhja e problemeve, kreativiteti ose bashkëpunimi. Zgjidhja e problemeve komplekse, mendimi kritik dhe kreativiteti janë tre aftësitë më të rëndësishme që i nevojiten fëmijëve të marrin, sipas Raportit për të Ardhmen e Punëve (Future of Jobs Report). Aftësi të tjera të parashikuara për vititn 2020 janë: menaxhimi i njerëzve, koordinimi me të tjerët, inteligjenca emocionale, gjykimi dhe vendim-marrja, orjentimi i shërbimit, negociimi, fleksibiliteti konjitiv. /mendimi.al
