Është mbiquajtur “qyteti i ëndrrave” dhe duket se kryeqyteti austriak mund të jetë thjesht një vend ëndrrash për të jetuar.
Renditja e qyteteve më të jetueshme në botë për vitin 2023 sapo është publikuar nga Economist Intelligence Unit (EIU), dhe Vjena ka dalë sërish në krye.
EIU, një organizatë simotër e The Economist, renditi 173 qytete në mbarë botën për një numër faktorësh të rëndësishëm, duke përfshirë kujdesin shëndetësor, arsimin, stabilitetin, infrastrukturën dhe mjedisin.
Vjena mbajti vendin e saj të parë në Indeksin Global të Jetesës së EIU-së, duke fituar vlerësime për infrastrukturën e saj të besueshme, kulturën dhe argëtimin e spikatur dhe shërbimet e patëmeta arsimore dhe shëndetësore.
Qyteti, i cili ka zënë vendin e parë për katër vite radhazi, u pasua nga afër nga Kopenhageni i Danimarkës, i cili ruajti vendin e dytë.
Indeksi Global i Jetesueshmërisë së 2023: 10 vendet më të mira
1. Vjenë, Austri
2. Kopenhagë, Danimarkë
3. Melburn, Australi
4. Sydney, Australi
5. Vankuver, Kanada
6. Zyrih, Zvicër
7. Gjenevë, Zvicër
8. Calgary, Kanada
9. Toronto, Kanada
10. Osaka, Japoni
Burimi: edition.cnn.com
Përktheu dhe përshtati: mendimi.al
