Sigurisht, ne duam më të mirën për fëmijët tanë – që ata të kenë një jetë të lumtur, të përgatiten për botën reale ose thjesht të dalin më mirë në shkollë. Më shpesh ne duam që ata të kenë sukses dhe kështu kërkojmë këshilla për t’u dhënë.
Por ndihma më e mirë vjen nga ajo që tregoni, jo nga ajo që thoni.
Stiffelman tha për Parenting se ka gjëra specifike që prindërit mund t’i modelojnë për të nxitur në mënyrë më efektive të rinjtë e përshtatur mirë dhe të suksesshëm, të cilat unë i kam thënë këtu përzier me përvojat personale. Lërini fëmijët tuaj t’ju shohin:
1. Duke luftuar
Si prind më i ri, i fshihja përpjekjet e mia, që të mos shkatërroja iluzionin e vajzës sime për heroizmin e babait. Së shpejti mësova rëndësinë e lejimit të saj të shihte ciklin e plotë të trajtimit të fatkeqësive. Siç thotë Stiffelman, “Lërini fëmijët tuaj të shohin se si po luftoni, si e trajtoni atë, si e kaloni atë, si pushoni ose si kërkoni ndihmë“.
2. Duke qarë
Unë jam ende pak i turpëruar ta bëj këtë përpara vajzës sime, por e di që e ndihmon atë “të qetësohet nga trishtimi“, siç thotë Stiffelman. Kjo tregon se ajo nuk duhet të ndihet e ngarkuar me nevojën për të kapërcyer ndjenjat e trishtuara.
3. Duke puthur partnerin tuaj
Gruaja ime dhe unë e bëjmë këtë vetëm për të vënë në siklet vajzën tonë, por është mirë të dimë se ka edhe përfitime terapeutike. Është veçanërisht e rëndësishme të tregoni dashuri mes orareve super të ngarkuara. Edhe një puthje e vogël në faqe gjatë një takimi shumë të shkurtër ndihmon për të treguar se “çiftimi” është më shumë se thjesht marrëveshje të përshtatshme për bashkëjetesë/partneritet.
4. Duke u ushtruar
Gruaja ime dhe unë ndihemi të fuqishëm për të treguar se nuk është normale të mos vazhdosh të lëvizësh. Ndonjëherë madje do ta rregulloj kohën që stërvitem, në mënyrë që vajza ime të shohë se unë shkoj për të ushtruar. Siç thotë gruaja ime, nuk është për t’i thënë asaj se duhet të stërvitet për shkak të ndjenjës së turpit ndaj trupit tënd apo gjykimeve të trupit por ka të bëjë me jetesën e shëndetshme dhe nevojën për të … vazhduar … lëvizjen. Pa dyshim, shpërqendrimet digjitale janë armiku ynë më i madh këtu.
5. Merrni pjesë në univers, jo vetëm në “ju-niverse”
Kjo ka të bëjë me vullnetarizmin por edhe zhvendosjen vullnetare të fokusit jashtë vetes për t’u përfshirë në akte dashamirëse.
Stiffelman thotë: “Një nga mënyrat më efektive që fëmijët të ndiejnë se janë kuptimplotë dhe se kanë rëndësi është kur mund të përmirësojnë ose të lartësojnë dikë tjetër – jo vetëm mamin apo babin.” Dhe ky është thelbi i saj – modelimi i rolit të rëndësisë së botës përtej vetvetes.
6. Bërja e zgjedhjeve për të shpenzuar sipas mjeteve tuaja
Unë dhe gruaja ime jemi të bekuar që kemi fituar të ardhura të mjaftueshme për të shmangur vendimet e shpeshta, brutale të shpenzimeve. Por ne ende përpiqemi të përfshijmë vajzën tonë në diskutimet për zgjedhjet financiare që duhet të bëjmë, përtej “Jo, sepse është shumë e shtrenjtë“.
Stiffelman rekomandon të flasim më shpejt se sa më vonë se sa kushtojnë gjërat.
7. Duke mësuar
Disa nga sjelljet më të rëndësishme të modelit janë paksa kundërintuitive dhe mund të krijojnë tension. Të tregosh se je nxënës i përjetshëm është një nga këto, sepse duhet të investosh kohë për ta bërë atë.
Por siç thekson Stiffelman, “Fëmijët tanë me siguri do të ndryshojnë karrierën shumë herë, kështu që ata duhet të kenë rehati/zhdërvjelltësi për të mësuar gjëra të reja.” Mund të jetë aq e thjeshtë për të lexuar më shumë. “Fëmijët që shohin prindërit duke lexuar priren të lexojnë më shumë”, shton terapistja.
8. Jini të sjellshëm me veten
Hulumtimet tregojnë se studentët që e bazojnë vetëvlerësimin e tyre në burime të jashtme (miratimi nga të tjerët, etj.) shpesh zhvillojnë më shumë probleme të shëndetit mendor, ndërsa ata që e bazojnë vetëvlerësimin në burime të brendshme (fjalë për veten, respektim të vlerave të tyre) kanë nota më të mira dhe incidenca më e ulët e drogës, alkoolit ose çrregullimeve të të ngrënit.
Me fjalë të tjera, bota e jashtme paraqet mjaft sfida për vetëvlerësimin e fëmijës suaj, kështu që pse të modeloni diçka tjetër përveç mirësisë/faljes për veten tuaj?
E di më lehtë të thuash sesa të bësh, veçanërisht nëse tenton ta krahasosh veten me standarde të paarritshme, siç bëj unë.
9. Jini reflektues përbrenda
Kjo mund të evidentohet nëpërmjet spiritualitetit ose thjesht duke marrë kohë për reflektim dhe introspeksion. Çështja është të kundërshtoni fokusin në arritje dhe përvetësim. Kjo mund të duket se lufton me dëshirën për t’i ndihmuar ata të kenë sukses, por i ndihmon fëmijët të përjetojnë pjesën më të thellë të asaj që do të thotë të jesh njeri.
10. Jini krijues
Njerëzit bëhen të pafrymëzuar në punë për shumë arsye, asnjëra më e thellë se kur ata kanë pushuar së krijuari dhe kontribuar me punën e tyre në botë. Ndihmoni të rrënjosni zakonin që herët duke treguar se sa të lumtur ju bën krijimi. Bëhet fjalë për të shprehur, jo për të arritur.
Pra, organizoni një shfaqje (autentike) për audiencën tuaj të re. Do të ndihmojë në ngritjen e perdeve drejt suksesit.
