Eksploroni 25 vendet më të mira të botës. Ja cilat janë?

Renditja e vendeve më të mira të U.S. News është një vlerësim i gjithçkaje që i jep formë një vendi, nga cilësia e jetës deri te ndikimi i tij kulturor.

Renditja, e zhvilluar në partneritet me BAV Group dhe Shkollën Wharton të Universitetit të Pensilvanisë, mat perceptimet globale të ekonomive më të mëdha në botë, duke mbledhur perceptimet e 85 kombeve në mbarë botën. Studimi anketoi më shumë se 17,000 persona dhe mati 73 metrika të ndryshme. Këto janë 25 vendet më të mira sipas opinionit global.

Greqia renditet në vendin e 25-të, duke u ngjitur me dy vende që nga viti 2021 dhe duke fituar nota të larta për trashëgiminë, miqësinë, aventurën dhe argëtimin. Konsiderohet gjithashtu vendi i tretë më i mirë për të udhëtuar vetëm.

Luksemburgu, një vend i vogël në Evropën Perëndimore, renditet në vendin e 24. Vendi është gjithashtu i 4-ti ndër vendet që konsiderohen të hapura për biznes. Ai perceptohet si një nga vendet më prestigjioze dhe me një mjedis të favorshëm tatimor.

Irlanda renditet e 23-ta, duke shënuar shumë për peizazhin e saj dhe për miqësinë. Ajo gjithashtu renditet në vendin e 8-të ndër vendet më të mira për të udhëtuar vetëm dhe perceptohet të jetë ndër vendet më të lumtura.

Austria, e cila renditet e 22-ta, konsiderohet si vendi i 11-të më i mirë për qëllime sociale. Kombi perceptohet gjithashtu si një nga vendet më të mira për rritjen e fëmijëve.

Emiratet e Bashkuara Arabe, një nga shtetet më liberale të Gjirit Persik, renditen në vendin e 21. Është vendi i parë në lëvizje dhe i 9-ti për pushtet.

Koreja e Jugut renditet e 20-ta, duke rënë me pesë pozicione që nga viti 2021. Ajo renditet në vendin e 6-të për pushtet dhe në vendin e 6-të për sipërmarrjen.

Singapori, i renditur në vendin e 19, konsiderohet si një nga katër tigrat ekonomikë të Azisë, së bashku me Hong Kongun, Korenë e Jugut dhe Tajvanin. Vendi gjithashtu renditet në vendin e 10-të në lëvizje dhe në vendin e 15-të në shkathtësinë e reagimit.

Belgjika renditet në vendin e 18. Vendi i Evropës Perëndimore perceptohet shumë për sa i përket barazisë racore dhe transparencës. Konsiderohet gjithashtu ndër vendet më të mira për gratë dhe vendet më të mira për rritjen e fëmijëve.

Kina, vendi më i populluar në botë, renditet në vendin e 17-të. Konsiderohet si vendi i dytë më i fuqishëm si dhe vendi i 5-të në sipërmarrje. Konsiderohet gjithashtu vendi më i mirë për të filluar një biznes.

Spanja, e renditur në vendin e 16-të, konsiderohet gjithashtu vendi i 3-të për trashëgiminë dhe aventurën.

Finlanda renditet e 15-ta. Vendi është renditur i 6-ti për cilësinë e jetës, vlerësohet shumë në perceptimet e lidhura me klimën dhe konsiderohet vendi më i mirë për transparencë.

Italia renditet në vendin e 14 në përgjithësi dhe renditet në vendin e parë për trashëgiminë dhe ndikimin kulturor.

Norvegjia renditet e 13-ta, duke zënë vendin e dytë për qëllime sociale. Ajo gjithashtu renditet si vendi i 2-të për përkushtimin ndaj synimeve klimatike dhe si vendi i 1-rë për kujdesin ndaj mjedisit.

Holanda renditet në vendin e 12-të. Vendi pretendon renditjen e 1-rë në barazinë gjinore dhe në barazinë racore dhe vendin e 8-të për cilësinë e jetës.

Zelanda e Re renditet në vendin e 11, duke rënë me katër vende që nga viti 2021. Konsiderohet si vendi më piktoresk në botë dhe më miqësor, së bashku me renditjen e parë midis vendeve që shihen si më të mirat për një pension të rehatshëm.

Danimarka renditet në vendin e 10 dhe konsiderohet vendi i 2-të për cilësinë e jetës dhe vendi i 3-të për qëllime sociale. Ajo gjithashtu renditet lart për barazinë gjinore dhe konsiderohet ndër vendet më të mira për gratë.

Franca renditet në vendin e 9-të dhe në vendin e 2-të për ndikimin kulturor, në vendin e 4-t për trashëgiminë dhe në vendin e 7-të për fuqinë. Ajo gjithashtu renditet ndër vendet më në modë, moderne dhe prestigjioze.

Mbretëria e Bashkuar renditet në vendin e 8-të, duke fituar nota të larta për sipërmarrjen, në vendin e 4-t, dhe fuqinë, në vendin e 5-të. Konsiderohet gjithashtu si një nga vendet më të mira për arsim dhe ndër vendet më me ndikim.

Australia është vendi numër 7 në përgjithësi, duke rënë me dy pvende që nga viti 2021. Vendi është i 5-ti për nga shkathtësia në reagim dhe i 9-ti për cilësinë e perceptuar të jetës dhe qëllimin social, duke u renditur gjithashtu në top 10 në fusha të tilla si lumturia, peizazhi dhe siguria.

Japonia ra katër pozicione që nga viti 2021, duke u renditur kështu në vendin e gjashtë. Vendi, i përbërë kryesisht nga katër ishuj, renditet në vendin e 3-të për sipërmarrjen, në vendin e 4-t për shkathtësinë e reagimit dhe për ndikimin kulturor. Ai gjithashtu renditet lart për ekspertizën teknologjike, infrastrukturën digjitale dhe progresivitetin.

Suedia është vendi i 5-të më i mirë në përgjithësi, duke u ngjitur me katër vende që nga viti 2021 dhe renditet në vendin e parë për cilësinë e perceptuar të jetës dhe për qëllimin social. Vendi u rendit gjithashtu lart për kujdesin për të drejtat e njeriut, drejtësinë sociale dhe mjedisin.

SHBA-të renditet në vendin e 4-t, duke u ngjitur me dy vende nga viti 2021. Vendi me ekonominë më të madhe në botë konsiderohet gjithashtu si më i fuqishmi, duke u renditur gjithashtu në vendin e parë në shkathtësinë e reagimit, në vendin e 2-të për sipërmarrjen dhe në vendin 3-të në ndikimin kulturor.

Kanadaja, vendi i dytë më i madh në botë për sa i përket masës së tokës, renditet në vendin e 3-të, duke rënë me dy vende nga renditja e vitit 2021. Ajo renditet e 3-ta për cilësinë e perceptuar të jetës dhe shkathtësinë e reagimit, dhe shënon shumë rezultate për qëllimin social, miqësinë dhe sigurinë.

Gjermania renditet në vendin e 2-të, duke u ngjitur me një vend që nga viti 2021 dhe ulet në top 5 për sipërmarrjen, fuqinë dhe shkathtësinë e reagimit. Ajo gjithashtu fiton nota të larta për stabilitetin dhe progresivitetin e saj të perceptuar ekonomik.

Zvicra rikthehet në krye të listës në vitin 2022 pas një ndërprerjeje 1-vjeçare, duke u ngjitur me tre vende që nga viti 2021. E njohur për historinë e saj të neutralitetit, ajo renditet në vendin e 4-t për cilësinë e jetës dhe në vendin e parë në të qenit i hapur për biznes, ndërkohë që konsiderohet si vendi më i qëndrueshëm politikisht, si dhe më i sigurti.

Burimi: US News

Përktheu dhe përshtati: Mendimi.al