Një protestë e ҫuditëshme ka ndodhur gjatë pasdites së djeshme në Tiranë. Me tollumbace të zeza në duar dhe me pankarta “Merr kuponin tatimor”, të pranishmit kanë protesuar kundër informalitetit. Protesta ishte e organizuar nga një grup biznesesh të mëdha dhe përkon me angazhimin e qeverisë për vendosjen e Tatimit mbi Vlerën e Shtuar tek biznesi i vogël. Protesta e ҫuditëshme ka shkaktuar mjaft reagime në rrjetet sociale. Qytetarët kanë montuar parrulla të tjera në fotot e protestuesve duke vendosur aty në mënyrë ironike të vërtetat që ata mendojnë në lidhje me këtë protestë si “Duam taksa të larta”, “Ulni rrogat dhe pensionet”, etj.
