Prokuroria e Posaçme kundër Korrupsionit dhe Krimit të Organizuar (SPAK) ka ndërmarrë hetime të shumta gjatë vitit 2024, duke regjistruar një total prej 629 personash të hetuar.
Sipas të dhënave të publikuara, 236 persona ose 37.5% janë hetuar në arrest me burg, sipas nenit 238 të Kodit të Procedurës Penale. Po ashtu, 246 persona ose 39.1% janë hetuar në gjendje të lirë, ndërsa 147 persona ose 23.4% janë hetuar me masa të tjera sigurimi.
Sipas të dhënave nga Drejtoria e Përgjithshme e Burgjeve, numri total i personave që ndodhen në paraburgim gjatë vitit 2024 është 2791. Nga ky total, 270 persona janë të hetuar nga SPAK, që përfaqësojnë 9.7% të totalit të të paraburgosurve.
Të dhënat tregojnë se SPAK po vazhdon me intensitet luftën kundër korrupsionit dhe krimit të organizuar.
Megjithëse numri i të paraburgosurve në hetim nga SPAK është relativisht i ulët krahasuar me numrin total të të paraburgosurve, kjo pasqyron një selektim të kujdesshëm të rasteve me impakt të lartë.
Vazhdon puna për forcimin e luftës ndaj korrupsionit dhe kriminalitetit në Shqipëri.
