Kosova do të bashkohet me rrjetin energjitik shqiptar; reagon Serbia.

Shqipëria dhe Kosova kanë nënshkruar një marrëveshje e cila përcakton se Kosova do të bashkohet me rrjetin energjitik shqiptar duke filluar nga prilli i 2020 dhe si rrjedhojë do të ndahet nga ai serb.

Serbia akuzoi Prishtinën dhe Tiranën për politikën drejt realizimit të një “Shqipërie të Madhe të Energjisë”, pasi operatori i rrjetit kosovar, KOSTT dhe operatori shqiptar OST shënuan të hënën një marrëveshje që përfundon në mënyrë efektive varësinë e Kosovës nga rrjeti serb.
“Serbia është pronari dhe ndërtuesi i rrjeteve të energjisë në Kosovë, për të cilat ka prova të bollshme,” tha Marko Gjuric, drejtuesi i qeverisë serbe për Kosovën në një deklaratë.
Gjuric tha se për vite me radhë Beogradi, i cili nuk e njeh Kosovën si të pavarur, e kishte penguar pranimin e KOSTT në ENTSO-E, Rrjetin Evropian të Operatorëve të Sistemit të Transmisionit për Energji Elektrike, pjesë e një politike të Serbisë për të penguar integrimin ndërkombëtar të Kosovës më shumë se një dekadë, pasi ajo shpalli pavarësinë me mbështetjen e fuqive të mëdha perëndimore.

Megjithatë, Kosova miratoi marrëveshjen si një hap tjetër për të çimentuar sovranitetin e vendit.
“Kjo është një marrëveshje historike për Kosovën dhe KOSTT sepse deri tani ne kemi qenë pjesë e rrjetit EMS të Serbisë”, thuhet në një deklaratë të Shefit Ekzekutiv KOSTT, Ilir Shala.
KOSTT tha që ENTSO-E ishte në dijeni të marrëveshjes.
“Kjo marrëveshje do ta bëjë më të lehtë funksionimin dhe balancimin e të dy sistemeve, si dhe zvogëlimin e kostove dhe rezervat e sistemit të këmbimit.”
Uebsajti BIRN i Kosovës raportoi se sipas KOSTT, marrëveshja do të rezultojë në kursime prej afro katër milion euro në vit.
BIRN i kërkoi Ministrisë së Minierave dhe Energjisë për komente, por ato nuk u përgjigjën deri në kohën e botimit.
Gjuric i kërkoi “bashkësisë ndërkombëtare” të parandalojë zbatimin e marrëveshjes në terren.
Serbia dhe Kosova patën nënshkruar një marrëveshje për funksionimin e rrjetit të tyre të ndërsjelltë të energjisë në 2015, por ajo ende nuk është miratuar.

Burimi: https://balkaninsight.com/2019/12/03/kosovo-moves-to-join-albanian-grid-serbia-incensed/

PËRGJIGJU

Please enter your comment!
Please enter your name here