Filmi “Arbëria” kushtuar arbëreshëve të Italisë do të nisë shfaqjen në platformën e filmave “Netflix” nga data 23 dhjetor. Me regji të Francesca Olivier, “Arbëria” trajton jetën e arbëreshëve në Itali përmes një historie dramatike.
Personazhi kryesor, Aida Greco, është një rrobaqepëse që e ka mësuar zanatin nga babai i saj. Ai jeton në një qytet të madh në Italinë veri-qendrore, ku ka hapur një studio mode. Aida vjen nga një fshat i veçantë rrëzë Pollinos, në kufirin mes Kalabrisë dhe Bazilikatës, ku është ruajtur gjuha dhe traditat e një minoriteti, arbëreshëve.
Kur Aida duhet të kthehet në shtëpinë e familjes së saj për të përkujtuar vdekjen e babait të saj, ajo rijeton disa konflikte me vëllain e saj Ascanio. Për më tepër, në ëndrrat dhe ankthet e saj, gruaja kujton ndjenjën e turpit që ndjente për përkatësinë e saj. Kështu, Aida rizbulon përkatësinë e saj ndaj këtij populli, duke e mirëpritur atë turp dhe duke e kthyer atë në diçka që ndoshta mund ta ndihmojë atë të kuptojë veten.
Arbëria është emri i një sërë zonash gjeografike në Italinë jugore ku njerëzit nga Shqipëria dhe Greqia u larguan midis shekujve 15 dhe 18, duke i shpëtuar pushtimit osman të atdheut të tyre. Arbëria u prodhua nga Open Fields, në bashkëpunim me Lucana Film Commission dhe Calabria Film Commission, me mbështetjen e Mibac dhe Siae si pjesë e nismës Sillumina” dhe Bcc Mediocrati dhe Echoes.
Burimi: Netflix, PrishtinaInsight
