Kryetari i Partisë Demokratike, Lulzim Basha ka folur sot mbi buxhetin duke lëshuar akuza për qeverinë dhe Bashkinë e Tiranës. Ai i ka cilësuar si skema të pastrimit të parave koncesionet duke kujtuar koncesionet e shkollave në Tiranë të cilat realizohen me kosto më të larta për qytetarët duke bërë të mundur njëkohësisht futjen e parave të pista në sistem. ‘Buxheti 2018 është shkrirja mes qeverisë, krimit dhe drogës për pastrimin e parave të pista! Kjo është e vërteta, të cilës do t’i qëndrojmë bashkë me shqiptarët!’ – tha Basha.
