Këtë javë, modelja 24-vjeçare Sofia Jirau u bë personi i parë me sindromën Down që u shfaq në një fushatë për Victoria’s Secret.
Modelja portorikane u shfaq së bashku me 17 gra të tjera për të promovuar koleksionin e ri Love Cloud për-rehati-gjatë-gjithë-ditës, për të cilin marka shpreson se do të “përforcojë angazhimin e Victoria’s Secret për të mirëpritur dhe festuar të gjitha gratë”, sipas një deklarate për shtyp.
Grupi përbëhet nga modele profesioniste dhe joprofesioniste, të të gjitha nuancave të lëkurës, madhësive trupore dhe moshave të ndryshme. Fytyra të famshme si Hailey Bieber, Taylor Hill dhe Adut Akech i bashkohen Celilo Miles, një zjarrfikëse indigjene e tokës së egër që pozon me helmetën e saj dhe Sylvia Buckler, një stiliste aksesorësh dhe mama e cila ka pozuar duke treguar barkun e saj të rrumbullakosur. Valentina Sampaio, e cila u bë modelja e parë transgjinore e markës së të brendshmeve në vitin 2019, është gjithashtu në këtë fushatë.
Të mërkurën, Jirau hyri në Instagram për të shprehur entuziazmin e saj për momentin historik.
“Një ditë ëndërrova për këtë, punova për të dhe sot është një ëndërr e realizuar. Më në fund mund të ndaj sekretin tim të madh. Unë jam modelja e parë me sindromën Down për Victoria Secret!” lexon postimi i saj. “Faleminderit të gjithëve ju që keni mbështetur gjithmonë projektet e mia. Faleminderit Victoria’s Secret që patë një modele tek unë…dhe më bëtë pjesë të fushatës së përfshirjes Love Cloud Collection. Ky është vetëm fillimi!”
Jirau është modele që nga viti 2019 dhe zotëron gjithashtu një dyqan online të quajtur “Alavett”, një lojë fjalësh spanjisht-anglisht për frazën “I love it”. Në shkurt 2020, Jirau u bë një nga modelet e pakta me sindromën Down që eci në Javën e Modës në New York. Ajo thekson përmes llogarive të saj në rrjetet sociale se qëllimi i saj është të inkurajojë të tjerët që të ndjekin ëndrrat e tyre.
“Unë them gjithmonë “Brenda dhe jashtë nuk ka kufij” për të motivuar njerëzit të thyejnë kufizimet e tyre të vetë-imponuara”, shkruan ajo në faqen e saj të internetit.
Fushata e re e larmishme është pjesë e përpjekjeve të vazhdueshme të Victoria Secret për të riparuar imazhin e ngushtë për përkufizimin e së “bukurës” dhe “seksi” që është kultivuar për dekada. Pas kritikave për rezistencën e markës ndaj përfaqësimit më të gjerë dhe anulimit të shfaqjes së saj të shumëpritur televizive të modës, Victoria’s Secret sinjalizoi verën e kaluar se do të fokusohej në krijimin e të brendshmeve për gratë e të gjitha formave, madhësive dhe prejardhjeve. “The Angels” u tërhoqën — emri i vjetër i supermodeleve të markës — për t’i hapur rrugë VS Collective, një program ambasadoresh që përfshin shtatë gra të njohura për punën e tyre mbrojtëse, duke përfshirë futbollisten Megan Rapinoe dhe aktoren Priyanka Chopra Jonas.
Disa nga anëtarët themelues të VS Collective janë paraqitur tani në fushatën Love Cloud, duke përfshirë Bieber, Akech, Sampaio dhe modelen plus-size Paloma Elsesser.
Drejtori kreativ Raúl Martinez tha në një deklaratë se fushata është “një moment i rëndësishëm në evolucionin e markës”.
“Nga kasti i femrave të pabesueshme që sjellin në jetë koleksionin, tek fryma e jashtëzakonshme gjithëpërfshirëse në xhirime, kjo fushatë është një pjesë e rëndësishme e standardit të ri të Victoria’s Secret që ne po krijojmë”, tha ai.
Burimi: CNN Style
