Sfidat e kursimeve 1 dhe 5 dollarëshe janë miqësore për fillestarët, lejojnë kursimin pasiv, dhe kërkojnë më pak përpjekje. Për një kohë të caktuar, të dyja sfidat përfshijnë lënien mënjanë të këtyre kartëmonedhave që kanë mbetur nga transaksionet në para.
Ezekiel Waisel, një planifikues i certifikuar financiar, provoi sfidën prej 5 dollarësh në 2016 dhe kurseu rreth 300 dollarë në vit për një fluturim vajtje-ardhje.
Sfida 52-javore
Kjo sfidë rrit kursimet me 1 dollarë në javë dhe kërkon që ju të kurseni në mënyrë aktive duke buxhetuar për çdo javë. Në javën e parë, ju kurseni 1 dollarë, në javën e dytë 2 dollarë dhe vazhdoni deri në javën e 52-të. Sfida gjithashtu mund të bëhet dhe anasjelltas duke filluar të kurseni 52 dollarë në javën e parë dhe të vazhdoni duke zbritur. Sido që të jetë, prej kësaj sfide mund të kurseni deri në 1,378 dollarë në një vit, të mjaftueshme për të mbuluar një emergjencë ose një blerje të madhe.
Sfida e 100 zarfeve
Kjo sfidë potencialisht fitimprurëse dhe e vështirë për kursimin e parave kërkon numërimin e 100 zarfave nga 1 në 100, duke i përzier ato dhe duke tërhequr një rastësisht çdo ditë. Numri në zarfin e tërhequr përcakton shumën e parave të gatshme që duhet të ruhen. Tërheqja e numrave të lartë në mënyrë të njëpasnjëshme mund të jetë e vështirë, kështu që kjo sfidë është ideale për ata me më shumë fluks parash. Nëse përfundon, mund të kurseni deri në 5050 dollarë, por mos i mbani paratë në zarfe shumë gjatë. Mbajeni të sigurt duke caktuar një ditë çdo javë ose çdo muaj për të depozituar kursimet në një llogari bankare me interes të lartë.
Sfida e motit të ditës së mërkurë
Për ata që kërkojnë emocione me fluks të mjaftueshëm parash, kjo sfidë mund të ofrojë kursime të mëdha me më pak parashikueshmëri. Çdo të mërkurë, për një vit, kurseni para ose bëni një depozitë në një llogari kursimi bazuar në temperaturën në qytetin tuaj. Nëse është 30 gradë, për shembull, kurseni 30 dollarë. Sfida bëhet më e vështirë ndërsa moti bëhet më i ngrohtë, prandaj është më mirë të filloni në dimër kur është më i menaxhueshëm.
Sfida “Asnjë shpenzim”
Është aq e drejtpërdrejtë sa tingëllon: Ju angazhoheni të shpenzoni vetëm për gjërat thelbësore gjatë një periudhe të caktuar për të kursyer shumë. Disa njerëz madje pastrojnë qilarët e tyre për të ulur faturat e tyre ushqimore. Niveli i vështirësisë është subjektiv për këtë sfidë, por ka të ngjarë të jetë më i qëndrueshëm në një afat të shkurtër.
