Gjermanët po zvogëlojnë luksin modern të ushqyer me naftë me shpresën se racionimi sot mund të ndihmojë në parandalimin e ndërprerjeve të energjisë elektrike, ndërsa afrohet një dimër i zymtë pa gaz rus.
Disa banorë thonë se janë duke bërë dush me ujë të ftohtë, duke i tharë rrobat e tyre me ajër dhe po kalojnë në llamba LED për t’u marrë me krizën energjetike të nxitur nga pushtimi rus i Ukrainës, raportoi më parë në shtator The Local, një gazetë gjermane e lajmeve.
“Ne nuk po përdorim tharësen tonë; bëjmë dushe më të ftohta dhe më të shkurtra dhe planifikojmë të ngrohim vetëm dy dhoma në shtëpinë tonë këtë dimër,” tha një banor 39-vjeçar nga Berlini në një studim të fundit të administruar nga media.
Nga të gjitha vendet anëtare të Bashkimit Evropian, Gjermania është më e varura nga nafta ruse. Pozicioni i rrezikshëm ka nxitur një fushatë të ruajtjes së energjisë që shtrihet nga individi deri në nivelet federale – me një banor të Berlinit që thotë se bën dush të ftohtë si një “gjest i vogël anti-Putin“.
Disa kompani gjermane po zbatojnë gjithashtu kufizime të energjisë si një masë e kursimit të kostos. Çmimet e energjisë elektrike në Gjermani janë rritur më shumë se 600% këtë vit si rezultat i rritjes së çmimeve të gazit natyror.
Vonovia, një grup gjerman i pasurive të patundshme, tha për Insider se do të ulë ngrohjen e qiramarrësve gjatë natës midis orës 23:00 dhe 6 të mëngjesit për të “kursyer sa më shumë gaz” dhe për të ulur kostot e ngrohjes me rreth 8%.
Në Dippoldiswalde, një qytet në rajonin e Saksonisë të Gjermanisë, disa qiramarrësve u është ndaluar të bëjnë dush të nxehtë midis orëve 08:00 dhe 11:00, 13:00 dhe 17:00 dhe pas orës 21:00, sipas një postimi të korrikut në Facebook nga një kooperativë lokale banesash. Në Hanover, dushet e nxehta nuk lejohen më në pishinat publike.
Para luftës, mbi gjysma e gazit natyror të Gjermanisë vinte nga Rusia – tani është ulur në 35%. Por zyrtarët kanë frikë se mungesat ekstreme mund të ndodhin këtë dimër nëse Rusia ndërpret furnizimin e mbetur të naftës në Evropë në formë hakmarrje ndaj sanksioneve perëndimore.
“Ne duam të çlirohemi sa më shpejt që të jetë e mundur nga kontrolli i importeve ruse të energjisë,” u tha gazetarëve në gusht ministri i Ekonomisë i Gjermanisë Robert Habeck, duke shtuar se ndërsa masat aktuale do të ndihmojnë në uljen e konsumit të përgjithshëm të energjisë në vend, nuk mjaftojnë.
Duke filluar nga shtatori, qeveria gjermane zbatoi rregulla të reja për të kufizuar përdorimin e energjisë në ndërtesat dhe monumentet publike. Ngrohja private e pishinës dhe ndriçimi i dyqaneve gjatë natës gjithashtu mund të kufizohet, raportoi Reuters.
Qyteti i Hanoverit publikoi një listë kufizimesh në fund të korrikut që përfshin kufizimin e pajisjeve elektronike të zyrës si printerët, mbylljen e ujit të nxehtë në lavamanët publikë (duke përjashtuar spitalet dhe shkollat), mbylljen e burimeve publike dhe kufizimin maksimal të temperaturës së dhomës në ndërtesat komunale prej 20 gradë Celcius.
“Qëllimi është të zvogëlojmë konsumin tonë të energjisë me 15%. Ky është një reagim ndaj mungesës së afërt të gazit, e cila përbën një sfidë të madhe për bashkitë – veçanërisht për një qytet të madh si Hanoveri,” tha Belit Onay, kryebashkiaku i Hanoverit në një njoftim për shtyp. “Çdo kilovat orë e kursyer mbron depozitimin e gazit.”
