Ngjarja e lançimit të Apple 2022 do të shfaqë zbulimin e pajisjeve të ndryshme së bashku me iPhone 14 të mërkurën, më 7 shtator, ora 7 pm. Ngjarja do të mbahet virtualisht dhe do të transmetohet nga Teatri Steve Jobs, Apple Park, Kaliforni, SHBA. Ju mund ta shihni ngjarjen drejtpërdrejt në internet në Apple TV, kanalin zyrtar në Youtube dhe faqen e internetit të Apple.
Adhuruesit e Apple mund të presin lançimin e gjeneratës së ardhshme të Apple dhe shumë produkte të tjera në mega eventin. Gjiganti i teknologjisë e ka përdorur gjithmonë këtë platformë për të prezantuar iPhone të rinj për dekadën e fundit. Pra, pritet që në eventin e Apple ‘Far Out’ sot të nisë rrugëtimin seria e re iPhone 14.
Përveç serive iPhone 14, Apple Watch, New AirPods Pro dhe iPad Pro me procesor M2 dhe kufjet e realitetit të përzier janë disa nga pajisjet e shumëpritura të ngjarjes së lançimit të Apple të këtij viti.
Sipas raportimeve, Apple nuk do të lançojë ‘iPhone mini’ këtë herë. Në vend të kësaj, do të prezantohet një iPhone më i madh me një ekran 17 cm, i quajtur “iPhone 14 Plus“.
Më herët, u përfol se do të quhej “iPhone 14 Max“, por ideja u hodh poshtë për të shmangur konfuzionin me modelin ultra të lartë Pro Max, thuhet në raporte. Apple do të lançojë serinë iPhone 14 në katër modele: iPhone 14 me ekran 15.5 cm; iPhone 14 Plus me një ekran 17 cm; iPhone 14 Pro me një ekran 15.5 cm; dhe iPhone 14 Pro Max me një ekran 17 cm.
Burimi: Business Standard
Përktheu dhe përshtati: Mendimi.al
