Besimi i investitorëve ndaj Facebook u dobësua të hënën për shkak të presionit politik dhe mosfunksionimit për një kohë të gjatë të aplikacioneve të kompanisë, duke i bërë aksionet e saj të bien me 4.8% dhe duke i hequr miliarda pasurisë së CEO-s Zuckerberg.
Pasuria e Zuckerberg ra me 5.9 miliardë dollar duke shkuar në total 117 miliardë. Ai është tani njeriu i gjashtë më i pasur në botë. Facebook u përball edhe në 2019 me një blackout të tillë i cili zgjati 14 orë. Një dekadë më parë, në 2008, Facebook doli jashtë funksionimit për një ditë të tërë. Problemi i kësaj të hëne pati ndikim edhe në systemin e brendshëm të Facebook, duke e bërë të pamundur për punonjësit që të aksesonin emailet dhe një pjesë e dyerve të kompanisë u raportuan se nuk mund të hapeshin me kartat e punonjësve duke i lënë ata jashtë godinës.
Problemi tjetër që rëndon mbi Facebook është është dëgjesa që ka para Kongresit sot (të martën) ish menaxherja e produktit, Frances Haugen, e cila do të tregojë rreth vendimit të saj për të nxjerrë dokumenta të brendëshme tek gazeta Wall Street Journal. Në intervistën e saj në emisionin “60 minuta” ajo rrëfeu të gjithë problematikën. (Lexo: Facebook u përpoq të fshehë të vërtetën. Flet një ish punonjëse e kompanisë)
Por Facebook ka dëshmuar ndër vite rezistencë ndaj problemeve që ka patur. Të shohim si do të shkojë këtë herë.
