Presidenti Joe Biden do të udhëtojë në Evropë për të marrë pjesë në samitet e NATO-s dhe Bashkimit Evropian për të diskutuar zhvillimet e fundit mbi luftën e Rusisë në Ukrainë me aleatët kryesorë më 24 mars.
Ndërkohë, presidenti rus Vladimir Putin tha se udhëheqja e Ukrainës nuk ishte “serioze” për zgjidhjen e konfliktit, ndërsa Kievi i rrethuar përgatitet të hyjë në një shtetrrethim më të zgjatur, duke filluar nga ora 20:00, ditën e martë me orën lokale. Moska vendosi sanksione ndaj Biden dhe një mori zyrtarësh të administratës amerikane, pasi Britania e Madhe dhe Bashkimi Evropian ndaluan eksportin e mallrave luksoze në vend.
Kryeministrat e Polonisë, Republikës Çeke dhe Sllovenisë njoftuan një vizitë të përbashkët në kryeqytet për bisedime me Volodymyr Zelensky, takimi i parë personal me presidentin ukrainas që kur Rusia nisi luftën ndaj fqinjit të saj pothuajse tre javë më parë.
OKB-ja tha se 3 milionë njerëz deri tani janë larguar si pasojë e luftës nga vendi i tyre.
Burimi: Bloomberg
