Ushqimet e fermentuara përgjithësisht përkufizohen si “ushqime ose pije të prodhuara përmes rritjes së kontrolluar të mikrobeve dhe shndërrimit të përbërësve të ushqimit përmes veprimit enzimatik“. Kjo mund të jetë lakra turshi, kefiri, trahanaja dhe disa turshi (vetëm ato të fermentuara).
Ushqimet e fermentuara janë të pasura me mikrobe të dobishme dhe metabolitë të dobishëm (substanca të prodhuara gjatë fermentimit nga bakteret dhe të mira për një zorrë të shëndetshme).
Disa grupe të shquara kërkimore kanë sugjeruar se ushqimet e fermentuara mund të ofrojnë shumë përfitime shëndetësore, të inkurajojnë humbjen e peshës dhe të zvogëlojnë rrezikun e disa sëmundjeve.
Organizatat dhe grupet e ushqimit si Shoqata e Dietologëve të Mbretërisë së Bashkuar tani rekomandojnë të hahen ushqime të fermentuara më shpesh. Për shembull, qumështi dhe kosi i fermentuar tani u jepen fëmijëve të vegjël nga mosha gjashtë muajsh për të ndihmuar në sigurimin e një ekuilibri të mirë të lëndëve ushqyese, për të parandaluar mungesën e hekurit në popullatat që përdorin qumështin e lopës dhe për të reduktuar infeksionet gastrointestinale.
Një studim tjetër zbuloi se konsumi i rregullt i ushqimeve të fermentuara mund të jetë veçanërisht i rëndësishëm për komunitetet me të ardhura të ulëta, të sfiduara nga burimet, të cilët janë në mënyrë disproporcionale të ndjeshme ndaj infeksioneve gastrointestinale si E. Coli dhe Listeria.
Gjatë fermentimit, bakteret mund të prodhojnë vitamina dhe metabolitë të dobishëm. Ushqimet e fermentuara përmbajnë mikroorganizma potencialisht probiotikë si bakteret e acidit laktik. Dhe, pavarësisht nga koha e shkurtër që këto baktere kalojnë në zorrë, ato ndihmojnë në tretjen e ushqimit dhe forcojnë sistemin tonë imunitar. Probiotikët në ushqimin e fermentuar gjithashtu forcojnë muret e zorrëve për t’i mbajtur ato nga rrjedhja e përmbajtjes së tyre në gjak, kështu që ushqimi i fermentuar mund të kontribuojë në parandalimin e sindromës së zorrëve që rrjedhin. Është zbuluar gjithashtu se kontribuon në parandalimin dhe trajtimin e sëmundjeve të tilla si alergjitë dhe ekzema.
Konsumimi i kimchi dhe perimeve të tjera të fermentuara mund të zvogëlojë astmën dhe dermatitin atopik. Studime të tjera raportojnë efektin e ushqimeve të fermentuara në reduktimin e rrezikut të diabetit të tipit 2 dhe presionit të lartë të gjakut. Konsumimi i produkteve të qumështit të fermentuar ul rrezikun e kancerit të fshikëzës. Dietat e pasura me kos treguan një rrezik të reduktuar të sindromës metabolike, tek të rriturit e moshuar mesdhetar ku një grup kushtesh ndodhin së bashku (duke përfshirë rritjen e presionit të gjakut, sheqerin e lartë në gjak dhe yndyrën e tepërt të trupit).
Probiotikët në ushqimet e fermentuara kanë veti promovuese të shëndetit si ulja e kolesterolit; një studim tregoi se disa shtame bakteriale të acidit laktik kanë veti për të ulur kolesterolin në gjak.
Duket se ka përfitime të tjera të mundshme, por nevojiten më shumë kërkime. Një rishikim i kohëve të fundit demonstroi vetitë antikancerogjene të baktereve të acidit laktik në ushqimin e fermentuar në një sërë qelizash tumorale nga zorrët, mëlçia dhe gjiri, pasi ato modulojnë zhvillimin e tumoreve. Një dietë e përbërë nga ushqime të pasura me acid linoleik të konjuguar, veçanërisht djathi, mund të mbrojë kundër kancerit të gjirit tek gratë pas menopauzës. Megjithatë, jo të gjitha studimet pajtohen dhe një studim pilot në minj madje sugjeroi rritje të tumorit.
Gjatë shekujve, shumë njerëz kanë ngrënë ushqim të fermentuar për lehtësi, pa i kuptuar përfitimet e tyre shëndetësore. Për fat të mirë, shumë ushqime të fermentuara janë të lira dhe jo të komplikuara për t’u bërë, duke na dhënë një mënyrë të thjeshtë për të përmirësuar shëndetin dhe mirëqenien tonë.
