Më shumë se 500 njerëz janë shtruar në spital nga pickimet e akrepave në Egjiptin jugor pasi stuhitë i detyruan krijesat të largoheshin nga vendet e tyre të fshehta dhe të futeshin në shtëpitë e njerëzve, raportojnë mediat shtetërore.
Gjatë fundjavës, provinca e Aswan u godit nga rrebeshe të mëdha, breshër dhe bubullima në të cilat humbën jetën tre persona, tha guvernatori Ashraf Attia. Megjithatë, atyre që u pickuan nga akrepat iu dhanë doza anti-helm dhe më vonë u liruan nga spitali.
Malet e Aswanit janë shtëpia e akrepit arab me bisht të dhjamosur, ose Androctonus crassicauda, që përkthehet nga greqishtja në “njeri-vrasës”, raportoi Al Jazeera. Ata konsiderohen ndër akrepat më të rrezikshëm në botë, me një helm shumë toksik, dhe shkaktojnë disa vdekje njerëzore në vit.
Burimi: AP
