Miliarderi Elon Musk tha të martën se një recesion është “i pashmangshëm” dhe ka të ngjarë të ndodhë së shpejti.
CEO i Tesla-s dha komentet e tij në Forumin Ekonomik të Katarit, ku ai u pyet për “ndjenjën e tij super të keqe” për ekonominë dhe çfarë mendonte për pretendimet e bëra nga zyrtarët e administratës Biden se një recesion në SHBA “nuk është i pashmangshëm“.
“Epo, unë mendoj se një recesion është i pashmangshëm në një moment të caktuar,” u përgjigj Musk. “Për sa i përket nëse ka një recesion në një afat të afërt, unë mendoj se ka më shumë gjasa për po, sesa jo.”
“Në këtë pikë, një recesion nuk është më vetëm një rrezik duke pasur parasysh gjendjen e vështirë të Fed me inflacionin,” tha Wilson në një shënim të martën.
Deutsche Bank tha gjithashtu në të njëjtën ditë se tani parashikon një recesion më të hershëm sesa pritej më parë.
Musk ka folur edhe më parë për mënyrën sesi SHBA po i afrohet me shpejtësi një recesioni. Në dhjetor, ai tha se “ndjenja e tij e brendshme” ishte se një gjë do të ndodhte në pranverë ose verë të 2022, por jo më vonë se 2023.
“Kam kaluar disa recesione,” tha ai në një konferencë teknologjike në maj. “Dhe ajo që priret të ndodhë është nëse keni një bum që zgjat shumë, ju merrni një shpërndarje të gabuar të kapitalit. Fillojnë të bien para për budallenjtë, në thelb,” shtoi Musk.
Ndërkohë, Presidenti Joe Biden theksoi në një intervistë për Associated Press javën e kaluar se një recesion është ende i shmangshëm dhe u kërkoi amerikanëve të qëndrojnë të sigurt.
“Së pari, nuk është e pashmangshme,” tha ai për AP. “Së dyti, ne jemi në një pozicion më të fortë se çdo komb në botë për të kapërcyer këtë inflacion.”
