Sot në një komunikatë për shtyp Ambasada Amerikanë në Tiranë, ka njoftuar qytetarët mbi tubimin politik që do të zhvillohet ditën e shtunë, të datës 11 dhjetor, ora 10.00, në stadiumin Air Albania në Tiranë. Tubimi është i organizuar nga anëtarët e PD, me kërkesë të ish-liderit të tyre Sali Berisha.
Ambasada gjithashtu paralajmëron se ka gjasa që tubimi mund të migrojë në vende të tjera në Tiranë. Madhësia dhe kohëzgjatja e saktë e mbledhjes së pritshme nuk dihen shkruan zyra e shtypit. Ndaj, qytetarët amerikanë këshillohen të shmangin çdo tubim të madh në qytet.
Burimi: Ambasada e SHBA në Tiranë
