Paralamenti Evropian tregoi gjatë ditës së djeshme se është në mbështetje të gjerë të idesë së përdorimit të USB-C për karikimin e shumë pajisjeve të ndryshme, duke votuar me 602 vota pro projektligjit, 13 vota kundër dhe 8 abstenime. Kjo gjë do të prekë kryesisht iPhone dhe AirPods të cilat përdorin ende Lightning, ndërkohë që shumica e prodhuesve të tjerë e kanë mbështetur përdorimin e USB-C.
Tashmë ky propozim i votuar detyron të gjithë prodhuesit që shesin produktet e tyre në Evropë të sigurojnë se pajisjet e tyre mundësojnë karikimin me USB-C. Qëllimi i votimit të këtij ligji është ulja e numrit të mbetjeve elektronike duke e bërë një kabull shumë herë më të përdorshëm.
Të përjashtuar nga ky ligj do të jenë pajisjet të cilat janë shumë të vogla për të ofruar një USB-C, si përshembull smartwatches, health trackers dhe pajisje të tjera sportive. Mirëpo ky legjislacion pritet të zgjerohet me kalimin e kohës. Kompanitë duhet gjithashtu të cilësojnë përmes tabelave specifike për të informuar sa më mirë përdoruesit në lidhje me karakteristikat e karikimit.
Bashkimi Evropian ka si qëllim të sigurojë dhe që karikimi wireless të jetë i ndërveprueshëm me të gjitha pajisjet.
Tashmë mbetet vetëm që Këshilli Evropian ta aprovojë projektligjin e votuar në mënyrë që ai të publikohet në Fletoren Zyrtare të BE.
Burimi: Geek Room
