Jeff Hovenier, i cili është pjesë e “Paketës Biden” të diplomatëve me përvojë në rajon, është emëruar ambasador i SHBA-së në Prishtinë dhe pritet të iniciojë zgjidhje për problemet e pazgjidhura në rajon.
Hovenier ka shërbyer në ambasadën e Zagrebit, në stafin e të dërguarit të posaçëm të OKB-së për statusin e Kosovës dhe në detyra të përkohshme në Serbi, Mal të Zi dhe delegacionin e SHBA-së në Bisedimet e Paqes në Kosovë të vitit 1999.
Ndërkohë, Christopher R. Hill, një anëtar i ekipit negociator, përpjekjet e të cilit çuan në Marrëveshjen e Paqes të Dejtonit, emërohet ambasador në Serbi. Ai shërbeu si oficer ekonomik në Beograd në fund të viteve 1970, më vonë u kthye në rajon si Zëvendës Shef i Misionit në Ambasadën e SHBA-së në Tiranë, Shqipëri dhe Ambasador në Republikën e Maqedonisë (sot Maqedonia e Veriut).
Burimi: DASH
