Nëse e keni gjetur ndonjëherë veten në divan në orën 17:00 të së dielës me një këngë të lehtë në sfond dhe një tas gati shumë pranë vetes, atëherë me siguri keni dëshiruar që të kishte një lloj pilule magjike për të trajtuar atë dhimbjen e tmerrshme të kokës pasi keni pirë një natë më parë.
Fatmirësisht, të gjitha lutjet tona me sy të zymtë duket se kanë marrë përgjigje pasi një pilulë për parandalimin e hangover sapo ka dalë në shitje në Mbretërinë e Bashkuar.
Ju prezantojmë me suplementin Myrkl, i cili premton të shpërbëjë me shpejtësi alkoolin në zorrët tuaja përpara se të arrijë në mëlçi. Për efekt maksimal, një person duhet të marri dy pilula 30 minuta para se të pijë alkool, dhe tabletat më pas do të vazhdojnë të shpërbëjnë alkoolin në trup deri në 12 orë.
Sipas Drink Aware, shkaku kryesor i hangoverit është efekti i etanolit – alkoolit në pijet tuaja. “Është një kimikat toksik që funksionon në trup si diuretik, që do të thotë se ju bën të urinoni më shumë dhe si rezultat mund të dehidratoheni”, shpjegon Drink Aware. Për të parandaluar një hangover, Myrkl përmban baktere të veçanta dhe aminoacide që zbërthejnë alkoolin në ujë dhe dioksid karboni. Kjo do të thotë se vetëm sasi të ulëta të etanolit kalojnë më pas përmes mëlçisë.
Por, ndërsa mendimi i një pilule për të kuruar hangoverin tuaj tingëllon si ëndërr e bërë realitet, hulumtimet tregojnë se në të vërtetë funksionon. Në fakt, studimet e kryera nga prodhuesi (në partneritet me kompaninë farmaceutike suedeze De Faire Medical dhe Institutin e Shkencës dhe Shëndetit Pfützner) zbuluan se marrja e suplementit uli përgjysmë përqendrimin e alkoolit në gjak brenda 30 minutave pas pirjes, duke u rritur në 70% pas një ore.
Po sa kushton? Myrkl ka dalë në shitje me 30 £ për një paketë me 30 kapsula, që do të thotë se çdo pilulë vjen me një 1 £ të përballueshme – që është sigurisht më pak se ‘kura jonë e hangoverit‘ tipike, e thënë ndryshe, një mal me ushqime vendase.
Produkti nuk do të jetë i disponueshëm në farmaci, ai mund të blihet online nëpërmjet faqes së internetit Myrkl.
Duke folur për lançimin e pilulës së parandalimit të hangoverit të Myrkl, CEO Håkan Magnusson tha se suplementi ishte një “produkt që do të ndryshojë komplet lojën“. Por, theksoi se ishte projektuar për “pirës të moderuar” dhe jo për ata që kërkojnë të dehen.
“Duke shënuar herën e parë në histori që një produkt konsumi demonstrohet se shkatërron në mënyrë efektive dhe të shpejtë alkoolin, ne jemi shumë të ngazëllyer që po lançojmë këtë produkt novator në Mbretërinë e Bashkuar dhe në shumicën e tregjeve evropiane,” shtoi Magnusson. “Pirja e moderuar sociale është një pjesë e madhe e kulturës britanike, me shumicën e britanikëve që shkojnë çdo javë për të shijuar disa pije së bashku.”
Burimi: Cosmopolitan
