Përpara se të filloni semestrin e ri, duhet të vendosni disa objektiva për të punuar gjatë gjithë vitit. Mundohuni të vendosni objektiva që mund t’i arrini realisht dhe merrni parasysh se çfarë mund të përmirësoni nga viti i kaluar. Ju mund të dëshironi të arrini një notë të caktuar, të përmirësoheni në përfundimin e detyrave në kohë, ose të bëni më shumë përpjekje për të bërë miq të rinj.
Përpiquni të pajiseni me kartën e studentit apo abonetë për të shmangur radhët e gjata. Mundohuni të siguroni tekstet shkollore dhe materialet e kursit për të marrë libra të përdorur.
Menaxhimi i stresit dhe sjellja e jetës në ekuilibër është një aftësi e mirë për t’u fituar. Njerëzit përpiqen ta përballojnë stresin ndryshe. Disa luajnë sport, bëjnë një gjumë të mirë, takohen me miqtë pas mësimit ose ndoshta preferojnë të shikojnë serialet e tyre të preferuara. Gjëja më e rëndësishme është të hiqni qafe stresin, përndryshe ai mund të shndërrohet në ankth, depresion dhe vetëvlerësim të ulët. Dhe, sigurisht, si mund të studiojnë njerëzit në një mënyrë produktive nëse mendjet e tyre janë tretur nga mendimet negative?
Duke shpresuar që këshillat tona t’ju ndihmojnë sadopak në organizim, ju urojmë një vit akademik të mbarë e plot suksese.
