Komisioni Evropian ka zbuluar përmes raportit të tij të fundit mbi Çertifikatën Dixhitale të BE-së për COVID-19 se dokumenti ka pasur një rol të rëndësishëm në përgjigjen e kontinentit ndaj pandemisë COVID-19 pasi deri më tani janë gjeneruar më shumë se 591 milionë certifikata.
Në një deklaratë për shtyp të lëshuar më 18 tetor, Komisioni i BE-së shpjegoi se Çertifikata, e cila mbulon vaksinimin, rikuperimin dhe testet e mbajtësve ndaj COVID-19, ka lehtësuar ndjeshëm udhëtimin e sigurt. Për më tepër, dokumenti ka qenë gjithashtu një komponent kyç në mbështetjen e industrisë së turizmit evropian që është prekur rëndë nga pandemia.
Certifikata Dixhitale e BE-së për COVID-19 është parë si një sukses mbarëbotëror pasi ka vendosur një standard global dhe është i vetmi sistem që operon në nivel ndërkombëtar për momentin.
43 vende janë tashmë të lidhura me sistemin e BE-së: 27 shtete anëtare të BE-së, 3 vende të Zonës Ekonomike Evropiane (ZEE), Zvicra dhe 12 vende dhe territore të tjera. Në total, Komisionit iu drejtuan 60 vende të treta të interesuara për t’u bashkuar me sistemin e BE-së.
Përtej atyre tashmë të lidhura, diskutimet teknike janë duke vazhduar me 28 prej këtyre vendeve. Sektori i transportit ajror përfitoi shumë nga Çertifikata Dixhitale e BE-së për COVID, e cila u bë funksionale pikërisht në kohën e duhur për periudhën e pikut të udhëtimit veror.
Shoqata e Këshillit Ndërkombëtar të Aeroporteve (ACI Europe) raportoi se në korrik 2021 vëllimi i përgjithshëm i pasagjerëve u dyfishua në krahasim me korrikun 2020. ACI Europe ia atribuon këtë ndryshim nxjerrjes së Çertifikatës Dixhitale të BE-së për COVID së bashku me lehtësimin e kufizimeve të udhëtimit.
“Çertifikata dixhitale e BE-së për COVID është një simbol i një Evrope të hapur dhe të sigurt. Përhapja e shpejtë e sistemit, jo vetëm në BE, por ndërkombëtarisht, është një shembull i bashkëpunimit dhe ofrimit të BE-së në rrethana të jashtëzakonshme”, deklaroi Komisionerja për Shëndetësinë, Stella Kyriakides.
Sipas një sondazhi të Eurobarometrit të Parlamentit të BE-së, rreth dy të tretat (65%) e të anketuarve ranë dakord se Çertifikata Dixhitale e BE-së për COVID-19 është mjeti më i sigurt për udhëtim në Evropë gjatë pandemisë COVID-19. 20 Shtete Anëtare të BE-së përdorin gjithashtu Çertifikatën Dixhitale të BE-së për COVID për qëllime të brendshme, të tilla si për aksesin në ngjarje të mëdha dhe restorante, kinema dhe muze, me një bazë ligjore shtesë kombëtare.
Më parë, IATA u bëri thirrje Shteteve Anëtare të BE-së që të harmonizojnë kërkesat e tyre për Çertifikatën Dixhitale COVID-19 dhe rregullat e tyre të hyrjes. Shoqata paralajmëroi se për shkak të kërkesave dhe rregullave të ndryshme, lëvizja e lirë e qytetarëve të BE-së brenda zonës po rrezikohet.
Burimi: EC Europa
