Përplasja në hapësirën kibernetike midis Rusisë dhe Ukrainës filloi më 23 shkurt, kur faqet e internetit të parlamentit të Ukrainës dhe të disa agjencive qeveritare dolën jashtë funksionit. Muajin e kaluar faqet e internetit të disa ministrive qeveritare u shpërfytyruan dhe formuan mesazhin, “Kini frikë dhe prisni më të keqen“.
Por sulmet e fundit nuk ishin aq të sofistikuara sa ato që Rusia ka nisur në të kaluarën. Qëllimi i tyre, sugjeron një ekspert kibernetik, ishte “të shpërqendronin dhe të ngatërronin”, ndoshta duke i hapur rrugën “aktivitetit më të rëndë” – pushtimit të Ukrainës.
Një pushtim i plotë rus pritet të jetë lufta më e madhe e Evropës që nga vitet 1940, dhe përmbysja e parë një qeverie evropiane të zgjedhur në mënyrë demokratike nga një pushtues i huaj. Rusët do të shkaktojnë vdekjen e shumë ukrainasve – bashkëkombës sllavë, me të cilët shumë kanë lidhje familjare.
Rusia do të vuajë gjithashtu sanksione të rënda politike dhe ekonomike, ndërsa rusët e zakonshëm do të vuanin nga standardet më të ulëta të jetesës, të cilat tashmë kanë rënë gjatë shtatë viteve të fundit.
