Si duket sot një grua 70-vjeçare që ka hequr dorë nga sheqeri 30 vjet më parë

30 vjet më parë, një grua e quajtur Carolyn Hartz ndaloi së ngrëni sheqer të përpunuar pas disa vitesh që ishte “e varur” nga ëmbëlsirat. Sot, ajo ka një trup të mahnitshëm dhe një çehre të shndritshme që shumë njerëz që janë shumë më të rinj se ajo shpesh ëndërrojnë ta kenë.
Ajo shprehet se për të pasur atë që duam; duhet të marrim masat e duhura. Në moshën 70-vjeçare, Hartz beson fort se nuk është kurrë vonë për të bërë një ndryshim pozitiv në jetën tuaj.Historia e mahnitshme e Carolyn Hartz
Edhe pse metabolizmi ynë ka tendencë të ngadalësohet me kalimin e moshës, Hartz shpjegon se ajo që është e nevojshme është të marrim kontrollin në duart tona dhe të bëjmë zgjedhje më të zgjuara si të hamë më mirë dhe të jemi më aktivë fizikisht, në mënyrë që të mund të mbajmë një metabolizëm optimal. Gjithashtu, ajo e konsideron ushqimin e kujdesshëm si një element kryesor të një diete të shëndetshme.

Kur hamë pa i kushtuar vëmendje ushqimit, d.m.th. nëse hamë pa mendje, mund të shtojmë lehtësisht në peshë. Nga ana tjetër, kur jeni të vetëdijshëm për sasinë e ushqimit që hani dhe çfarë hani, shanset për të ngrënë tepër janë shumë më të ulëta.

Këshillat më të mira të Hartz për një pamje rinore dhe një jetë të shëndetshme
Para së gjithash, Hartz i këshillon lexuesit që të kenë një këndvështrim pozitiv për jetën dhe të mos lejojnë kurrë që plakja t’ju poshtërojë. Ajo beson se një nga faktorët kryesorë që kontribuojnë në figurën e saj të hollë dhe shëndetin optimal është vendimi i saj për të hequr qafe sheqerin rreth 30 vjet më parë. Ajo vendosi të ndalonte së ngrëni sheqer pasi ndjeu se po konsumonte shumë prej tij.

Sot, dieta e saj përbëhet nga ushqime të shëndetshme dhe sigurohet që proteinat të jenë pjesë e çdo vakti, veçanërisht në mëngjes. Kjo e ndihmon atë të luftojë me lehtësi dëshirat. Megjithatë, ajo thekson se asnjëherë nuk duhet privuar veten nga ushqimet dhe pijet që i shijojnë më shumë. Ajo që është e rëndësishme është të kontrolloni sasinë që po hani.
Për më tepër, ajo thekson rëndësinë e gjumit dhe përpiqet të flejë tetë orë gjumë në natë. Mirënjohja dhe meditimi janë gjithashtu të rëndësishme, shpjegon ajo. Interesant është fakti se ajo ka praktikuar të njëjtin regjim të kujdesit për lëkurën që në moshën 17-vjeçare. Ajo këshillon femrat që të heqin gjithmonë grimin para gjumit dhe të mos harrojnë të hidratojnë zonën e fytyrës dhe qafës gjatë natës, si dhe zonën e syve.Ajo gjithmonë aplikon krem kundër diellit çdo ditë nën grimin e saj dhe nuk bën banja dielli për shkak të ndikimit të dëmshëm që ka dielli në lëkurë. E fundit, por jo më pak e rëndësishme, ajo rekomandon që të mos e krahasoni kurrë veten me të tjerët, sepse secili është unik në mënyrën e vet.

Burimi: Best Folk Medicine

Përktheu dhe përshtati: Mendimi.al