Një tërmet me magnitudë 4.1 ballë ka goditur qytetin e Fierit mbrëmjen e sotme, duke shkaktuar shqetësim tek banorët lokalë. Epiqendra e tërmetit ishte rreth 11 kilometra në lindje të Fierit dhe 56 kilometra në jugperëndim të Elbasanit. Sipas të dhënave të para, lëkundjet u ndjenë edhe në qytetet përreth, përfshirë Vlorën.
Tërmeti, që ndodhi në orën 19:32, kishte një thellësi prej 5 km. Fatmirësisht, deri tani nuk raportohet për dëme materiale apo të lënduar. Banorët e zonës dolën jashtë banesave për disa momente, por u kthyen brenda pasi situata u stabilizua.
