Vala e të nxehtit në Evropë: Ndalohen ngjarjet në natyrë në disa pjesë të Francës

Ngjarjet publike në natyrë janë ndaluar në një zonë të Francës, pasi vala e të nxehtit që ka thyer rekord ka përfshirë Evropën.

Koncertet dhe tubimet e mëdha publike janë anuluar në departamentin Gironde rreth Bordeaux.

Të enjten, disa pjesë të Francës arritën 40 gradë Celsius më herët se kurrë më parë gjatë vitit, me temperaturat që pritet të arrijnë kulmin të shtunën.

Shkencëtarët thonë se periudhat e nxehtësisë intensive po bëhen më të shpeshta dhe më të gjata si rezultat i ngrohjes globale.

Spanja, Italia dhe Britania e Madhe po përjetojnë gjithashtu temperatura të larta.

Në Gironde, zyrtarët thanë se ngjarjet publike, duke përfshirë disa nga festimet zyrtare të Rezistencës së 18 Qershorit, do të ndalohen nga e premtja në orën 14:00deri në fund të valës së të nxehtit“. Ndalohen gjithashtu ngjarjet në ambiente të mbyllura, në ambiente pa ajër të kondicionuar.

Festat private, si dasmat, do të lejohen ende.

Të gjithë tani po përballen me një rrezik shëndetësor”, tha zyrtari lokal Fabienne Buccio për radion France Bleu.

Ministria e Brendshme franceze paralajmëroi njerëzit që të jenë jashtëzakonisht të kujdesshëm dhe të mos ekspozohen në diell.

Parashikuesi shtetëror Meteo France tha se ishte periudha më e hershme e nxehtë që ka goditur ndonjëherë vendin, e cila është shkaktuar nga një masë e ajrit të nxehtë që po lëviz nga Afrika e Veriut.

Temperaturat mund të arrijnë 39 gradë Celsius në Paris dhe thatësirat gjithashtu kanë rritur rrezikun e zjarreve, tha sinoptikani.

Unë jam 86 vjeç, kam lindur këtu, por mendoj se kjo është vala më e keqe e të nxehtit që kam parë ndonjëherë”, tha Jacqueline Bonnaud për agjencinë e lajmeve AFP në qytetin jugor të Toulouse.

Rritja e përdorimit të kondicionerëve dhe freskueseve po e detyrojnëFrancën të importo energji elektrike nga vendet fqinje, tha operatori i rrjetit RTE.

Në Spanjë, e cila sapo ka përjetuar majin më të nxehtë që nga fillimi i shekullit, temperaturat parashikohen të arrijnë në 43 gradë Celsius këtë fundjavë, tha shërbimi i motit Aemet.

Ka pasur zjarre pyjore në Katalonjë, duke përfshirë një që mund të përhapet në 20,000 hektarë përpara se të frenohet, tha qeveria rajonale.

Uji është aq i ulët në shtrirje të mëdha të lumit më të madh të Italisë, Po, sa vendasit mund të ecin në mes të hapësirës së rërës dhe anijet e mbytura të kohës së luftës po rishfaqen.

Në Mbretërinë e Bashkuar, temperaturat pritet të arrijnë në 33 gradë Celsius në Anglinë jugore, ndërsa një alarm i nivelit të tretë për të nxehtin shëndetësor është lëshuar për Londrën.

Vapa ekstreme nuk kufizohet vetëm në Evropë këtë javë.

Të mërkurën një e treta e të gjithë popullsisë së Shteteve të Bashkuara u këshilluan të qëndrojnë brenda për shkak të temperaturave rekord. Në Indi, Delhi ka regjistruar një temperaturë maksimale prej të paktën 42 gradë Celsius në 25 ditë këtë verë, njoftoi Departamenti Meteorologjik i Indisë.

Ndryshimet klimatike po bëjnë që temperaturat globale të rriten. Gazrat serë, si dioksidi i karbonit, të lëshuara në atmosferën e Tokës në vëllime të mëdha, po bllokojnë nxehtësinë e diellit, duke bërë që planeti të ngrohet.

Kjo ka sjellë mot më ekstrem, duke përfshirë temperaturat e larta rekord në të gjithë botën.
 
Burimi: BBC
Shpërndaje

PËRGJIGJU

Please enter your comment!
Please enter your name here