Gjykata e Lartë britanike vendosi të premten se themeluesi i WikiLeaks, Xhulian Assange mund të ekstradohet në Shtetet e Bashkuara për t’u përballur me akuzat për shkelje të ligjit të spiunazhit.
50-vjeçari australian do të qëndrojë në burgun Belmarsh të Londrës, ku mbahet që nga prilli 2019 pasi Ambasada e Ekuadorit i hoqi azilin politik.
Avokatët e Assange ka të ngjarë të paraqesin një apel të fundit në Gjykatën e Lartë Britanike, e cila ose mund të refuzojë të dëgjojë çështjen ose ta pranojë atë. Kjo e fundit nëse gjykata më e lartë sheh në apel “një pikë ligjore me rëndësi të përgjithshme publike”. Ky proces mund të zgjasë me javë ose muaj thuhet në një raport të Washington Post.
Nëse Gjykata e Lartë britanike refuzon kërkesën e tij për apelimin përfundimtar, ai mund të kërkojë pezullimin e ekstradimit nëpërmjet Gjykatës Evropiane e të Drejtave të Njeriut.
Vendimi i Gjykatës së Lartë të Premten e sjell Assange një hap pranë dorëzimit te Marshallët e SHBA-së me një fluturim për në Uashington, ku ai do të gjykohej në gjykatën federale në Virxhinia. Në janar, një gjykatës britanik vendosi që Assange të mos ekstradohej në Shtetet e Bashkuara, sepse ai do të ishte në rrezik të lartë të vetëvrasjes. Qeveria e SHBA-së e apeloi këtë vendim.
Assange u akuzua nën administratën Trump për shkelje të Aktit të Spiunazhit, hera e parë që prokurorët federalë amerikanë kanë vënë në shënjestër jo vetëm burimin, por edhe botuesin e informacionit të klasifikuar.
Chelsea Manning, ushtaraku i ushtrisë që ndau informacione sekrete diplomatike dhe ushtarake me WikiLeaks në vitin 2010, u lirua nga burgu nën Presidentin Obama, por kaloi afërsisht një vit në burg pasi refuzoi të dëshmonte para një jurie të madhe që hetonte Assange.
Nën Presidentin Biden, Departamenti i Drejtësisë ka vazhduar t’i sigurojë gjykatat britanike se Assange mund të gjykohet në Shtetet e Bashkuara, pavarësisht nga problemet e tij të shëndetit mendor.
Avokatët mbrojtës të Assange thanë vetë ekstradimi mund ta shtyjë Assange të vrasë veten. Në kohën kur ai u akuzua ligjërisht SHBA në vitin 2018, Assange kishte kaluar tashmë gjashtë vjet duke jetuar në ambasadën e Ekuadorit në Londër nga frika se ai do të ekstradohej në Suedi për një hetim për sulme seksuale dhe përfundimisht në Shtetet e Bashkuara. Qeveria ekuadoriane e dëboi atë në vitin 2019 dhe ai u arrestua menjëherë nga autoritetet britanike.
Departamenti i Drejtësisë filloi hetimin e Assange në vitin 2010, por nën Presidentin Obama vendosi që çdo ndjekje penale do të krijonte një precedent të rrezikshëm që mund të përdoret për të sulmuar organizatat e lajmeve. Në aktakuzën e tyre kundër Assange, prokurorët u përpoqën ta veconin atë atë nga gazetarët tradicionalë, duke thënë se ai kishte inkurajuar hakerimin dhe regjistrimin e paligjshëm për arsye personale.
Burimi: Washington Post
