Ndërsa për meshkujt, dy opsionet e vetme janë prezervativët ose vazektomitë: njëra mund të jetë jo e besueshme kur keqpërdoret, dhe tjetra ndonjëherë është e vështirë të kthehet pa ndikuar në fertilitet.
Por në vitet e fundit, shkencëtarët kanë bërë disa zbulime kontraceptive.
Pilula ‘sipas kërkesës’
Testet në minj tregojnë se pilula jo-hormonale e zbuluar kohët e fundit mund të ndalojë përkohësisht spermën të notojë duke synuar një proteinë.
Studiuesit thanë se pilulës i nevojiten vetëm 30-60 minuta për të treguar efektet. Është gjithashtu e kthyeshme, me lëvizshmërinë e spermës që rikthehet brenda një dite.
Xheli i shpatullave
Ky xhel lokal përmban hormone sintetike që sinjalizojnë trurin për të penguar prodhimin e spermës në teste.
Xheli duhet të aplikohet në shpatullat e meshkujve çdo ditë për kontracepsion efektiv.
Studiuesit thanë se burrat do të rifitonin fertilitetin kur të ndalonin përdorimin e xhelit pas 6 deri në 12 javë.
Xhel i injektueshëm
Kjo metodë jo-hormonale aktualisht po hulumtohet nga disa ekipe shkencëtarësh dhe po i nënshtrohet provave.
Ato janë ose xhel polimer ose hidroxhel që mund të injektohen në vas deferens të meshkujve – tubat që mbajnë spermën – duke krijuar kështu barriera kimike ose fizike për të bllokuar spermatozoidin nga udhëtimi.
Kontracepsioni mashkullor nuk është një koncept i ri
Hulumtimet për pilula hormonale të kontrollit të lindjes ose injeksione për burrat filluan dekada më parë, por humbën vrullin për shkak të raporteve të ‘efekteve anësore të padëshirueshme‘: ndryshimet e humorit, shtimi në peshë, depresioni dhe aknet. Zonja, ju duken të njohura këto simptoma?
Interesant është fakti se shumë pjesëmarrës u shprehën se do të vazhdonin ende me metodat e kontrollit të lindjes, pavarësisht këtyre efekteve anësore. Pra, pse nuk po zhvillohen?
Kur mund të presim opsione të reja të kontrollit të lindjes mashkullore?
Pilula ‘sipas kërkesës‘ është testuar vetëm në minj dhe duhet të testohet më tej përpara se të vazhdohet me provat njerëzore. Një studim i xhelit të shpatullave pritet të përfundojë deri në fund të vitit 2024, ndërsa një kandidat për xhel me injeksion është në fazën e fundit të provave njerëzore. Dhe të gjitha këto eksperimente mund të vazhdojnë vetëm me fonde të mjaftueshme.
