Qeveria e Boris Johnson thuhet se është në bisedime me Shqipërinë për një plan të diskutueshëm për të dërguar emigrantët që kalojnë Kanalin Anglez me varka të vogla.
Sekretari i Drejtësisë Dominic Raab nuk pranoi të mohojë se ministrat shpresojnë të arrijnë një marrëveshje për të sjellë emigrantët në Shqipëri, në mënyrë që kërkesat e tyre për azil të përpunohen 1500 milje larg shkruan, The Independent.
I pyetur në Sky News nëse emigrantët mund të shkojnë në Shqipëri, zoti Raab tha: “Ky është një vend… Ne jemi të gatshëm të shikojmë me partnerët nëse është e mundur të bëhet ky përpunim ndërkombëtar”.
“Përpunimi në vende jashtë është shpresa jonë më e mirë tani, pasi asgjë tjetër nuk po funksionon,” tha një ministër për The Times.
Por një burim i Home Office i përshkroi diskutimet me Shqipërinë si “në ditët e para”. Z. Raab hodhi poshtë idenë e mbështetjes së plotë te Shqipëria për përpunimin në vendet e tjera të enjten, duke thënë: “Shumë nga këto diskutime janë në një fazë paraprake, është shumë më tepër se vetëm një partner”.
Burimi: The Independent
