Kreu i Credit Suisse ka dhënë dorëheqjen më pak se një vit pasi mori frenat e bankës së goditur nga skandali pas raportimeve se ai kishte thyer rregullat e karantinës Covid.
Dorëheqja e Antonio Horta-Osorio hyri në fuqi menjëherë pas një hetimi të porositur nga bordi, tha banka e dytë më e madhe e Zvicrës në një deklaratë të lëshuar të hënën. Në vend të tij u emërua anëtari i bordit të drejtorëve Axel Lehmann.
Credit Suisse konfirmoi muajin e kaluar se Horta-Osorio kishte shkelur rregullat e karantinës pas një raporti nga tabloidi zviceran Blick. Zvicra shtrëngoi kushtet për të hyrë ose për t’u kthyer në vend në fund të nëntorit pas shfaqjes së variantit shumë ngjitës Omicron.
Blick raportoi në dhjetor se Horta-Osorio kishte udhëtuar në Zvicër nga Britania me një avion privat pasi Britania e Madhe u vendos në një listë të vendeve të kufizuara nga rregullat e karantinës. Pasi mbërriti në shtëpinë e tij, Horta-Osorio pyeti nëse mund të lirohej nga izolimi apo nëse masa mund t’i shkurtohej, tha gazeta. Pavarësisht se nuk mori asnjë përgjigje nga autoritetet, bankieri mori avionin në gadishullin Iberik përpara se të nisej për në Nju Jork për një takim bordi. Dorëheqja shton vështirësitë e gjigantit bankar zviceran, i cili u trondit nga lidhjet që kishte kjo bankë me lëvizjet shumë miliarda dollarësh në firmat financiare Greensill dhe Archegos vitin e kaluar. Horta-Osorio, i cili ndërtoi një reputacion të fortë duke e rimëkmëbur bankën britanike Lloyds, ishte zotuar të trajtonte rrezikun në Credit Suisse.
Burimi: AFP, Local Switzer
