Janë shtuar shumë lajmet mbi tullumbacet e azotit të cilat po përdoren gjerësisht nga të rinjtë shqiptarë në lokale dhe klubet e natës. Jo më larg se dje, filloi të qarkullonte një video ku disa vajza adoleshente thithin gazin e tullumbacit dhe njërës prej tyre i bie të fikët.
Tullumbacet shiten lirisht në vend, ku një tullumbac i mbushur me këtë lloj gazi shitet për vetëm 300 lekë. Ndërkohë persona të tjerë ndaj të cilëve u morën masa, reklamonin bombulat e azotit të cilat përdoren për mbushjen e këtyre tullumbaceve.
Por çfarë është oksidi i azotit?
Oksidi i azotit thithet zakonisht nga një tullumbace. Ai është përdorur në mënyrë rekreative për më shumë se 200 vjet. Përdoret në shumë mënyra, duke përfshirë:
- anestezi mjekësore
- në disa motorë makinash, për të rritur fuqinë (referuar si NOS)
- në mënyrë rekreative, si një mënyrë për t’u droguar. Kur përdoret në mënyrë rekreative, gazi thithet, në një tullumbace, ose direkt në gojë.
Efektet e mëposhtme mund të ndihen pothuajse menjëherë dhe mund të zgjasin për disa minuta:
- euforia
- mpirje e trupit
- qetësues
- marramendje
- të qeshura të pakontrolluara
- lëvizjet e pakoordinuara
- shikim i turbullt
- konfuzion
- djersitje
- lodhje
- vdekje e papritur
Nëse thithet një sasi e madhe e oksidit të azotit mund të shkaktojë:
- humbje e presionit të gjakut
- të fikët
- atak ne zemër
Efektet afatgjata
Ekspozimi i zgjatur ndaj oksidit të azotit mund të rezultojë në:
- humbje kujtese
- shterimi i vitaminës B12 (shkakton dëmtim të trurit dhe nervave)
- zhurmë ose gumëzhimë në vesh
- mpirje në duar ose këmbë
- spazma të gjymtyrëve
- defekte të mundshme të lindjes (nëse konsumohet gjatë shtatzënisë)
- sistem imunitar i dobësuar
- ndërprerje të sistemit riprodhues
- depresion
- varësi psikologjike
- psikozë
Nëse dikush rrëzohet ose nuk reagon pas marrjes së oksidit të azotit, kërkoni kujdes të menjëhershëm mjekësor.
