BE heq SHBA nga lista e shteteve të sigurta të udhëtimeve. Kosovën gjithashtu. Ja cilët tjetër.

Reuters raporton se Qeveritë e Bashkimit Evropian ranë dakord, të hënën e 30 Gushtit, për të hequr Shtetet e Bashkuara nga lista e udhëtimeve të sigurta të BE-së, që do të thotë se vizitorët amerikanë dhe ata nga pesë vende të tjera ka të ngjarë të përballen me kontrolle më të forta, të tilla si testet COVID-19 dhe karantinat.

Izraeli, Kosova, Libani, Mali i Zi dhe Maqedonia e Veriut gjithashtu janë hequr nga lista e vendeve të sigurta. Lista kërkon të unifikojë rregullat e udhëtimit në të gjithë bllokun, megjithëse nuk i detyron vendet individuale të BE -së, të cilat janë të lira të përcaktojnë politikat e tyre kufitare.

Tashmë disa vende të BE-së, si Gjermania dhe Belgjika, i kategorizojnë SHBA si të kuqe, duke kërkuar teste dhe karantina, ndërsa për fqinjët Francë dhe Holandë, Shtetet e Bashkuara klasifikohen si të sigurta.

Rastet mesatare ditore të COVID-19 në SHBA janë rritur në më shumë se 450 për milion njerëz në javë deri më 28 gusht, krahasuar me nën 40 në mes të qershorit kur BE shtoi SHBA në listën e saj, tregojnë shifrat nga Our World in Data.

Normat e rasteve për Izraelin, Kosovën dhe Malin e Zi janë edhe më të larta, tregojnë të dhënat. Lista e sigurt e BE tani përfshin 17 vende, përfshirë Kanadanë, Japoninë dhe Zelandën e Re. Blloku ende lejon shumicën e vizitorëve jashtë BE-së të cilët janë të vaksinuar plotësisht, megjithëse testet dhe periudhat e karantinës mund të zbatohen, në varësi të vendit të BE-së të mbërritjes. Pavarësisht thirrjeve të BE -së, Uashingtoni nuk i lejon qytetarët evropianë të vizitojnë lirshëm. Vetë blloku është ndarë midis atyre që shqetësohen për mungesën e reciprocitetit dhe rasteve të shtuara në SHBA dhe të tjerëve më të varur nga turizmi dhe ngurrues për të kufizuar udhëtarët amerikanë.

PËRGJIGJU

Please enter your comment!
Please enter your name here