Agrawal u kishte thënë punonjësve se “nuk do të kishte pushime nga puna në këtë kohë“.
Megjithatë, sipas raporteve, një fushë ku Musk mund të bëjë shkurtime të vendeve të punës është departamenti i politikave të kompanisë.
Pakënaqësia e Musk u reflektua në kritikat e tij ndaj kreut të politikave të Twitter-it, Vijaya Gadde këtë javë, për censurimin e historive ekskluzive në lidhje me laptopin e djalit të Presidentit amerikan Joe Biden, Hunter, në vazhdën e dhunës në Capitol Hill.
Ndërkohë, Agrawal ka thënë se “pavarësisht zhurmës” që vjen nga Musk pas marrjes së suksesshme të kompanisë prej 44 miliardë dollarësh, ai dhe i gjithë ekipi do të vazhdojnë të bëjnë punën për të ndryshuar Twitter për mirë.
“E mora këtë punë për të ndryshuar Twitter për mirë, për të korrigjuar kursin ku duhet dhe për të forcuar shërbimin. Krenar për njerëzit tanë që vazhdojnë ta bëjnë punën me fokus dhe urgjencë pavarësisht zhurmës,” postoi ai në një postim në Twitter të enjten.
Në një regjistrim audio të zbuluar ku Agrawal mund të dëgjohet duke folur me punonjësit pas blerjes, ai tha se Musk së shpejti do të adresojë shqetësimet e tyre.
“Pasi të mbyllet marrëveshja, mund të merren vendime të ndryshme. Që ne të kuptojmë këtë, ne do të gjejmë një mënyrë që Elon të flasë me të gjithë ju sa më shpejt të jetë e mundur,” citohet të ketë thënë ai.
