Koronavirusi po bën një gjë shumë të mirë.
Ai po na tregon se çdo të thotë të jetosh i izoluar, i abuzuar dhe pa asnjë të drejtë.
Ku shteti ka në dorë gjithçka dhe vendos se çfarë është e mirë dhe çfarë është e keqe për ty.
Ku shteti vendos kur duhet të dalësh, çfarë duhet të veshësh, si duhet të ushqehesh, me kë duhet të shoqërohesh.
Ku shteti të detyron të jetosh në ankth dhe panik nga frika e një armiku të jashtëm duke shkatërruar fibrën që na mban bashkë.
Ku shteti na mëson të dyshojmë për këdo ,deri edhe për njerëzit tonë më të afërt.
Ku shteti na dëshmon çdo minutë se ai na do më shumë se sa ne e duam veten.
Ku shteti vendos se kush duhet të vdesë dhe kush duhet të jetojë në emër të të mirës së përbashkët.
Ku gjithçka humb shenjtërinë dhe kthehet në utilitare, deri edhe vdekja.
Ku shteti ndëshkon nga dashuria e madhe që ka për ne, por ne jemi aq injorantë sa nuk e kuptojmë këtë.
Ku shteti ndëshkon në mënyrë shembullore cilindo që e kundërshton.
Ku askush nuk ka asnjë vlerë dhe rëndësi , përveç udhëheqësit suprem.
Koronavirusi po i tregon botës se si është socializmi i vërtetë.
