Kryeministri Viktor Orbán u takua me presidentin turk Rexhep Tajip Erdogan në Ankara të enjten, sipas një raporti nga televizioni shtetëror i lajmeve MTI.
Në një konferencë të përbashkët shtypi pas takimit, Orbán tha se Evropa duhet të krijojë aleanca që i japin asaj një linjë gjithnjë e më të gjerë mbrojtje kundër migracionit dhe Turqia është pjesë e kësaj linje mbrojtje.
Evropa ka nevojë për aleatë që mund të zgjerojnë linjat e mbrojtjes së kontinentit, tha kryeministri Viktor Orbán pas bisedimeve me presidentin turk Rexhep Tajip Erdogan në Ankara, të enjten.
Pa to, Evropa do të shkërmoqet, tha Orbán në një konferencë të përbashkët shtypi pas një takimi të këshillit të bashkëpunimit strategjik të nivelit të lartë hungarez-turk, duke shtuar se Turqia ishte një nga vendet që kontribuoi në mbrojtjen e Evropës. Hungaria po i bën presion Brukselit që t’i japë Turqisë mbështetje më të drejtpërdrejtë financiare në luftën e saj kundër migracionit, tha ai.
Ai tha se Bashkimi Evropian duhet të mbështesë ndërtimin e mureve në kufijtë jugorë dhe lindorë të Turqisë, si dhe të kontribuojë në stabilizimin e Sirisë Veriore. Orbán vuri në dukje se Evropa po përballet me valë migrimi nga drejtimet e Mesdheut, Ballkanit Perëndimor dhe Bjellorusisë. Kryeministri i bëri thirrje Bashkimit Evropian që të mbështesë ndërtimin e mureve kufitare të Turqisë në kufijtë jugorë dhe lindorë të vendit dhe të ndihmojë në stabilizimin e Sirisë veriore.
Orbán dhe Erdogan zhvilluan bisedime në takimin e pestë të Këshillit të Bashkëpunimit Strategjik të Nivelit të Lartë Hungarez-Turk shkruan Budapest Business Journal.
Gjatë këtij takimi presidenti turk Erdogan kritikoi ashpër Greqinë, e cila kthen mbrapsht anijet me emigrant të cilët vijnë nga Turqia për në Europë. “Nuk e di se çfarë do të bëjë Greqia nëse hapim dyert,” tha Erdogan duke kujtuar kërcënimin e tij për të lëshuar një krizë migrantësh në pragun e Evropës, duke i kërkuar Greqisë të vlerësojë pritjen nga Turqia të popullsisë më të madhe të refugjatëve në botë. Në vend që të fajësojnë Ankaranë për valën e migrimit. “Është Greqia ajo që po i dënon me vdekje refugjatët duke shtrydhur varkat e tyre.”
Situata e konfliktit mes Greqisë dhe Turqisë për shkak të emigrantëve, është disi e ngjashme me situatën mes Bjellorusisë dhe Polonisë.
Hungaria njihet si shtet me një politikë të fortë të djathtë dhe konservatore. Marrëveshja me Turqinë forcon akoma më tepër qëndrimin e saj refuzues ndaj emigracionit.
Bashkimi Evropian dhe Turqia arritën në një marrëveshje financiare në 2016 për të frenuar volumin e emigrantëve që vijnë nga Siria dhe kërkojnë azil në Evropë — por ka qenë një mirëkuptim problematik i cili mezi po mbahet. Fluksi i madh i emigrantëve nga vendet Lindore po krijon konflikte mes shteteve në territorin Europian.
Kryeministri Orban gjithashtu ka marrë pjesë si përfaqësues i vendeve monitoruese në Këshillin e Turk që u mbajt në Stamboll këtë javë. Mbledhja e shteteve Turk-folëse ishte e fokusuar në teknologjitë e gjelbra dhe qytetet inteligjente dhe jo vetëm.
Sipas fjalës së Ministrit të Jashtëm Hungarez Peter Szijjártó, gjatë takimit të Këshillit Turk, vendet turke kanë dërguar pajisje mjekësore, maska për fytyrën dhe materialin e përdorur për prodhimin e tyre dhe dezinfektues në Hungari gjatë valës së parë të pandemisë. Hungaria si një përfaqësuese e BE-së po zhvillon marrëdhënie të fortë tregtare-politike mes Hungarisë dhe vendeve turke. Një interes të veçantë iu kushtua dhe bashkëpunimit për një diversifikim të burimeve për furnizimet energjitike për Europën nga vendet turke përveç Rusisë.
Azerbajxhani ka burime të konsiderueshme gazi që mund të hapin një burim të ri energjie për Evropën nëse rriten kapacitetet e tubacioneve ekzistuese, tha Szijjártó, duke vënë në dukje se Turkmenistani gjithashtu ka burime të konsiderueshme gazi.
Burimi: Budapest Business Journal; Bloomberg; DailyNewsHungary
