Sot dita nisi ndryshe. Një foto e postuar nga Kryeministri jonë tepër aktiv në rrjetet sociale na e zbukuroi ditën.
Më shumë se 21 mijë pëlqime, 1500 komente dhe 900 shpërndarje për çantën e re të shtëpisë së madhe të modës, Louis Vuitton, me qëndisjen e flamurit tonë kuq e zi. Kur lexon komentet bie në sy euforia e njerëzve që ia atribuojnë edhe këtë “arritje” kryeministrit tonë të nderuar në mandatin e tij të tretë, tashmë.
Vërtet moment për të qenë patriotik, por nëse do kërkonim në Google për të mësuar diçka më shumë, rezulton se dizajneri i njohur i kompanisë Louis Vuitton, Jay Ahr, në 2018, ka përdorur stilin e tij ikonik me qëndisje mbi çantat vintage LV. Koleksioni përfshin flamujt e botës nga Shqipëria në Japoni, të prodhuara në Francë, me një çmim “simbolik” prej vetëm 10,000 dollarë.
![](https://mendimi.al/wp-content/uploads/2023/01/LV2-2.png)
![](https://mendimi.al/wp-content/uploads/2023/01/LV3.png)
![](https://mendimi.al/wp-content/uploads/2023/01/LV4.png)
![](https://mendimi.al/wp-content/uploads/2023/01/LV5.png)
![](https://mendimi.al/wp-content/uploads/2023/01/LV6.png)
Tani, natyrshëm, pasi kemi parë çudi dhe teatër nga kabineti qeveritar “Fasada 1”, “Fasada 2” dhe “Fasada 3”, lind pyetja: Përse u bë i bujshëm ky lajm më shumë se 4 vite më vonë?
Përse në 2018 kryeministri ynë nuk e njoftoi në rrjetet e tij sociale këtë moment historik nga shtëpia më e madhe e modës, Louis Vuitton? Apo në 2018 sapo ishte fituar mandati i dytë dhe nuk kishte nevojë për të tilla lajme? /mendimi.al