Personat e pavaksinuar në Itali përballen me leje të kufizuara në disa shërbime nga e hëna data 6 dhjetor, pasi qeveria shtrëngon rregullat që synojnë mbajtjen poshtë të shkallës së infeksionit.
Që nga gushti, Italia kërkon një “green pass” ose çertifikatë shëndetësore brenda vendit, si dhe për udhëtimet në hyrje të shtetit.
Nga e hëna, një version tejet i forcuar i “green pass-it” është bërë i disponueshëm vetëm pas vaksinimit ose rikuperimit, dhe jo më në rast të rezultatit negativ të testit. Kjo lloj mase do të jetë e nevojshme për të ndjekur ngjarje sportive, koncerte, teatro, restorante të brendshme dhe më shumë.
Versioni bazë i “green pass”, i cili mund të merret edhe me rezultat negativ të testit, do të pranohet ende në vendet e punës dhe në transportin publik.
Gjithashtu tani do të kërkohet në hotele për herë të parë. Dyshimet mbeten se si do të zbatohen rregullat në transportin publik, veçanërisht në oraret e pikut.
Disa aktivitete, të tilla si pirja e një kafeje në barin e një kafeneje dhe ngrënie në natyrë, lejohen pa asnjë “green pass” fare.
Masat, për të cilat kryeministri Mario Draghi thotë se janë të nevojshme për të “ruajtur normalitetin”, do të jenë në fuqi të paktën deri më 15 janar, me mundësinë që ato të shtrihen më tej në vitin 2022.
Qeveria italiane të dielën tregoi gjithashtu rregulla shtesë që do të thotë se, për shumë vende, kërkesat e “green pass” do të zbatohen ndryshe në varësi të zonës së ngjyrës në çdo rajon.
Burimi: Corriere de la sera
