Xhirimet e “GOT” kanë përmirësuar turizmin e ekranit të Kroacisë me një numër në rritje të ofertave të reja turistike në vendet e xhirimit që tërheqin vizitorë vendas dhe ndërkombëtarë, tregoi një studim nga Universiteti i Zarës.
Xhirimi i serialit të Game of Thrones në Dubrovnik, rreth Splitit dhe rrethinat e Shibenikut ka çuar në lulëzimin e interesit për këto destinacione turistike, duke i sjellë vendit 180.7 milionë euro midis 2013 dhe 2018.
Prodhuesit e sezonit të tretë dhe të katërt të serialit GOT përdorën programin nxitës kroat, i cili garanton një rimbursim prej 20% të kostove të shpenzuara gjatë xhirimeve në Kroaci. Disa agjenci ofrojnë edhe guida në rrugë të tjera në të cilat janë filmuar episode të caktuara të serialit.
“Investimi në zhvillimin e industrisë së filmit potencialisht inkurajon zhvillimin e turizmit të filmit, i cili mund të jetë një mundësi për të reduktuar mbizotërimin e bukurive natyrore dhe parashikimin e motit të turizmit kroat,” vuri në dukje studimi.
14.2 milionë shikues të serialit kanë vizituar vendndodhjet në Kroaci, ndërsa informacioni në mediat ndërkombëtare për vendndodhjet ka rritur ndjeshëm interesin për tre qytetet historike kroate.
Turizmi është një industri kyçe për ekonominë kroate. Në vitin 2020, ky sektor u godit keq nga pandemia e koronavirusit (COVID-19) dhe rimëkëmbja e tij në 2021 e shtyu rimëkëmbjen ekonomike.
Por prapë ata vuajnë për forcën punëtore si të gjitha vendet e Europës Juglindore. Kroatët duke qënë se janë anëtarë të BE, shkojnë në vende si Austria ose Gjermania për të punuar pasi pagat e tyre në vend janë më të ulta se ato të vendeve të zhvilluara të BE, raporton Reuters në 3 dhjetor.
Ndaj Kroacia i ka kthyer sytë nga Ballkani Perëndimor për të kërkuar krah pune për sezonet turistike gjatë gjithë vitit. Mirëpo kjo do të çojë në thithjen dhe drenazhimin e krahut të punës për vendet e Ballkanit Perëndimor të cilat vetë po vuajnë për fuqi punëtore dhe emigrim të lartë drejt vendeve të Europës.
Burimi: IntelliNews, Reuters
