Për disa ditë me radhë është zhvilluar Forumi vjetor i Sigurisë në Beograd i cili pati fokus tema si “Përkrahësit dhe kundërshtarët e zgjerimit – Në çfarë lloj Europe po integrohemi?” të martën, 26 tetor.
Ambasadori i BE-së në Serbi Emanuele Giaufret vlerësoi se zgjerimi është çështje kredibiliteti për BE-në. “Zgjerimi është gjithashtu i rëndësishëm, pasi po i hap rrugën drejt Bashkimit Evropian që Ballkani Perëndimor të përfshihet në çështjen e zjarrtë të së ardhmes sonë të përbashkët”, tha Giaufret.
Për tri ditë me radhë në panele u diskutuan efektet e pandemisë, pasiguria ekonomike, kriza e demokracisë dhe rritja e autoritarizmit, ksenofobisë dhe mosbesimit, të cilat, siç paralajmërojnë organizatorët, “e vendosin njerëzimin në një nga testet më të mëdha në histori”.
Pandemia e COVID-19 ka shpalosur dobësitë e qeverive dhe shoqërive, ndërkohë që qytetarët nuk duhet të zgjedhin mes sigurisë shëndetësore dhe të drejtave të njeriut, përfunduan pjesëmarrësit e panelit të parë të Forumit të Sigurisë në Beograd “Çmontimi i Covidokracisë – Mbrojtja e Demokracisë”.
Ditën e fundit u mbajt paneli “Marrëdhëniet Kosovë-Serbi: Rrethi i (mos)besimit dhe (pa)barazisë”. Maja Bjeloš, Hulumtuese e Lartë në Qendrën e Beogradit për Politikat e Sigurisë, prezantoi rezultatet e sondazhit më të ri të institutit të saj që kishte ndërmarrë muajin e kaluar në bashkëpunim me Qendrën Kosovare për Studime të Sigurisë. Sipas rezultateve, dy të tretat e të anketuarve si në Serbi ashtu edhe në Kosovë besojnë në Dialogun Beograd-Prishtinë dhe në udhëheqësit e tyre përkatës. Ata besojnë se zgjidhja do të arrihet, por jo në të ardhmen e afërt. Nga ana tjetër, rezultatet kanë treguar se shumica e qytetarëve e konsiderojnë Dialogun Beograd-Prishtinë si një proces jo transparent dhe i mungon ndikimi në jetën e tyre.
Hulumtimet tregojnë se distanca etnike ndërmjet shqiptarëve dhe serbëve vazhdon. Në anën tjetër, mendimi i pjesëmarrësve të panelit final të Forumit të Sigurisë së Beogradit 2021, ishte se liderët politikë janë ata që janë përgjegjës për mungesën e progresit në dialogun Beograd-Prishtinë.
Burimi: European Western Balkans
