Amerika ka kongresmenin e parë përfaqësues të gjeneratës Z

Maxwell Alejandro Frost u bë anëtari i parë përfaqësues nga Gen Z në Kongres, të martën. 25-vjeçari tha se ai “bëri histori për Floridianët, për Gjeneratën Z dhe për të gjithë ata që besojnë se ne meritojmë një të ardhme më të mirë“, pasi shumë amerikanë janë gjithnjë e më të shqetësuar për moshat e vjetra të disa politikanëve të shquar.

Numër i madh
25. Kjo është mosha minimale për anëtarët e Kongresit.

Sfondi kryesor
Suksesi i Frost vjen pasi shumë amerikanë kanë vënë në pikëpyetje moshën e avancuar dhe aftësitë e disa politikanëve të shquar, duke përfshirë presidentin Joe Biden, 79 vjeç dhe senatoren Dianne Feinstein, 89. Një hetim i kohëve të fundit nga Insider për “gerontokracinë” e SHBA-së zbuloi se afërsisht një në katër anëtarë të kongresit janë në të 70-at dhe 80-at e tyre, dhe ndërsa gati gjysma e amerikanëve janë nën moshën 40-vjeçare, vetëm 5% e Kongresit i përket asaj moshe. Vitet e fundit, një numër rekord i politikanëve të rinj i janë bashkuar dhomave të Kongresit dhe Senatit. Në vitin 2018, Alexandria Ocasio-Cortez, u bë një nga anëtarët më të rinj të Kongresit kur u zgjodh në moshën 29-vjeçare. Në vitin 2020, Madison Cawthorn u bë anëtarja më e re e Kongresit në historia e fundit, në moshën 25-vjeçare, megjithëse nuk u rizgjodh për një mandat tjetër.

Frost nuk ishte i vetmi “i pari” i zgjedhur gjatë zgjedhjeve të ndërmjetme të së martës. Maura Healey u bë gruaja e parë lezbike e deklaruar që u zgjodh si guvernatore në vend.

Burimi: Forbes

Përktheu dhe përshtati: Mendimi.al