Njoftimi vjen pas thirrjes të së hënës nga kryeministrja franceze Elisabeth Borne për bizneset që të shkurtojnë përdorimin e energjisë ose të përballen me racionime të mundshme këtë dimër, nëse Rusia ndalon dërgesat e gazit.
“Siç ishte paralajmëruar më parë, Engie kishte siguruar tashmë vëllimet e nevojshme për të përmbushur angazhimet e saj ndaj klientëve dhe kërkesave të veta, dhe kishte vendosur disa masa për të reduktuar ndjeshëm çdo ndikim të drejtpërdrejtë financiar dhe fizik që mund të rezultojë nga një ndërprerje e furnizimit me gaz nga Gazprom ”, tha kompania në një deklaratë të martën.
Dërgesat e Gazprom për Engie tashmë ishin ulur “thellësisht” që nga fillimi i luftës në Ukrainë, me furnizimin mujor të fundit prej rreth 1.5 teravat-orë, shtoi kompania me bazë pranë Parisit. Kjo krahasohet me furnizimet totale vjetore të grupit në Evropë mbi 400 teravat-orë, tha ai.
Gazprom planifikon të ndalojë furnizimet në gazsjellësin Nord Stream në Gjermani nga 31 gushti për tre ditë mirëmbajtje të planifikuar.
