Këtë javë pritet që administrata amerikane për kontrollin e ushqimit dhe barnave të autorizojë përdorimin emergjent të ilaçit kokërr kundra Covid të prodhuar nga kompania farmaceutike Merck. E pas saj pritet aprovimi për ilaçin kokërr të Pfizer. Këta antiviralë duhet të përdoren sa më herët në ciklin e infektimit dhe nga ky moment varet edhe suksesi i tyre. Kjo do të thotë se është shumë i rëndësishëm testimi në kohë dhe ardhja në kohë e përgjigjes.
Kura përbëhet nga 30 deri 40 kokrra që duhet të përdoren gjatë 5 ditëve. Ky ilaç nuk e zëvendëson vaksinën, por përdorimi i tij pritet të lirojë spitalet nga trajtimet që aktualisht kryhen me infuzion nga stafe të specializuara. Në Sh.B.A ilaçet do të mund të blihen në çdo farmaci.
